بۇل تۋرالى Ticketon بيلەتتەرىن ونلاين ساتۋ قىزمەتىنىڭ باس ديرەكتورى ۆيكتوريا تورگۋناكوۆا مالىمدەدى, دەپ حابارلايدى astana-akshamy.kz
ۆيكتوريا تورگۋناكوۆا Ticketon مالىمەتتەرى بويىنشا 3,5 ميلليونعا جۋىق قازاقستاندىق جىلىنا كەمىندە ءبىر رەت ويىن-ساۋىق شارالارىنا باراتىنىن, ال 2,3 ميلليونعا جۋىعى مۇنى تۇراقتى تۇردە جاسايتىنىن اتاپ ءوتتى.
-جالپى, Ticketon پلاتفورماسى ارقىلى شامامەن 1,6 ملن وتانداسىمىز بيلەت ساتىپ الادى. بەلسەندى قازاقستاندىقتار ورتا ەسەپپەن ايىنا كەز كەلگەن سيپاتتاعى ويىن-ساۋىق شارالارىنا 16 000 تەڭگە جۇمسايدى. قازاقستاندىقتاردىڭ ويىن-ساۋىققا, مادەنيەت پەن ونەرگە جۇمساعان جالپى شىعىندارى 2023 جىلى 56,9 ملرد تەڭگەنى قۇرادى, بۇل ءبىر جىل بۇرىنعىدان 13,6 ملرد تەڭگەگە ارتىق. 2024 جىلعا ارنالعان بولجام – 69,2 ملرد تەڭگە, – دەيدى ۆ. تورگۋناكوۆا.
وتكەن جىلدىڭ ەڭ تانىمال ءفيلمى «تاپتىم-اۋ سەنى» بولعان, وسى فيلم ارقىلى كورەرمەندەردەن 1,54 ملرد تەڭگە تۇسكەن. 2023 جىلعى كورەرمەندەر سانى بويىنشا فيلمدەر رەيتينگىندە ەكىنشى ورىندى «اۆاتار: سۋ جولى» الادى, ودان تۇسكەن پايدا 1,17 ملرد تەڭگە ء(فيلمنىڭ پروكاتقا شىعۋى 2022 جىلدىڭ جەلتوقسانىندا باستالعان) بولسا, ءۇشىنشى ورىندا «فورساج 10» فيلمىنەن 1,10 ملرد تەڭگە ءتۇستى. جالپى, قازاق كينوسى شەتەلدىك فيلمگە قاراعاندا كوپ اقشا جينادى.
الماتى, استانا جانە شىمكەنت قالالارىن قوسا العاندا, كوپشىلىك تۇرعىندار وتكەن جىلى كينوتەاتردا قازاقشا «تاپتىم-اۋ سەنى» كومەدياسىن كورۋدى تاڭداعان. پەتروپاۆل, اقتوبە جانە قوستاناي قالالارىندا «چەبۋراشكا» ءفيلمى كينوتەاترلاردان ءجيى قارالعان. ال پاۆلودارلىقتار «مىرجاقىپ. ويان, قازاق!» فيلمىنە كوپ بارعان.
نارىققا گەوساياسي جاعداي دا بەلگىلى ءبىر دەڭگەيدە ىقپال ەتكەن. بىلتىر ءوتۋى ءتيىس 1743 جالپى وقيعانىڭ 12,7% (222) وتپەي قالدى. ونىڭ ىشىندە توقتاتىلعان قازاقستاندىق ءىس-شارالار – 6,63%, رەسەيلىك ءىس-شارالار – 31,75%, ال باسقا دا وتكىزىلمەگەن مادەني ءىس-شارالار – 3,33% قۇرايدى.
وتكەن جىلعى ءىس-شارالار بويىنشا بيلەتتەردىڭ تولىق ساتىلىمى بىلاي بولدى: العاشقى ءۇش ورىندى ەۋرو-2024 ىرىكتەۋ فۋتبول ماتچتارى يەلەندى: ولار – قازاقستان – سان-مارينو (بارلىق ساتىلعان بيلەتتەردەن 27 434), قازاقستان – فينليانديا (26 392), قازاقستان – سولتۇستىك يرلانديا (25 678). سونداي-اق تولىق ساتىلعان بيلەتتەر بويىنشا العاشقى بەستىككە سوڭعى جىلدارى وتە تانىمال بولعان گيك-مادەنيەت فەستيۆالى كىردى, ول – Comic Con Astana (19 340), Kostanay Music Fest (15 806).
فوتو: Ticketon.kz
