ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ كامەرالىق حورى بيىلعى ماۋسىمدى قاز كسر حالىق ءارتىسى عاريفوللا قۇرمانعاليەۆتىڭ 115 جىلدىعىنا ارنالعان «ءانشى داۋىسى» اتتى كونتسەرتپەن قورىتىندىلادى. اتالمىش كەش «استانا وپەرا» تەاترىنىڭ ك.بايسەيىتوۆا اتىنداعى كامەرالىق زالىندا ءوتتى.
كونتسەرتتىڭ القيسساسى اۆتوردىڭ «سالەم» انىمەن باستالىپ, ءارى قاراي ونەر يەسىنىڭ ورىنداۋىمەن جەتكەن ءبىرجان سال, مۇحيتتىڭ اندەرىمەن جالعاسىن تاپتى. ءان كەشىندە استانالىق فيلارمونيانىڭ ءداستۇرلى انشىلەرى دە ونەر كورسەتتى. اتاپ ايتقاندا, دانيار مۇقان, ايگەرىم نارتۇيە, اينۇر قونىسباەۆا, نۇرجان مەيىرحان, الۋا قالىمبەكوۆا, ايدوس وڭعارباي, زينات قاسىموۆا جانە ت. ب.
بالا كۇنىنەن ءان ونەرىنە جانى جاقىن بولعان عاpيفوللا قۇرمانعاليەۆ – قازاق رۋحانياتىنا تەڭدەسسىز ۇلەس قوسقان تۇلعا. ونىڭ اندەرىن ورىنداپ جۇرگەن بۇگىنگى رۋحاني شاكىرتتەرى ءبىرتۋار ونەر يەسىنىڭ ارتىنا قالدىرعان مۇرالارى قازاق مادەنيەتىنە قوسىلعان قازىنا ەكەنىن ايتادى.
– عاpيفوللا قۇرمانعاليەۆتى حالىق رۋحتى ءانشى, جارقىلداعان تەرمە مەن جەلدىرمەنىڭ قايتالانباس ورىنداۋشىسى رەتىندە تانيدى. سونىمەن قاتار ول كىسى باقىتتى ونەر يەسى بولدى. حالىق ءارتىسى, مەملەكەتتىك سىيلىقتىڭ لاۋرەاتى اتاقتارىن يەلەنگەن ونىڭ قازاق مادەنيەتىنە سىڭىرگەن ەڭبەگى وراسان زور. انشىلىك ونەرىمەن قاتار, ول كىسىنىڭ جىرشىلىعى دا بىرتوبە ەدى. ءتىرى كەزىندە ارالباي, مaxaمبeت, Capتاي, سaعىمقoجا, قۇمapدىڭ قالدىرىپ كەتكەن تولعاۋ-تەرمەسىن ورىنداپ, ەلگە جەتكىزدى. تىڭداۋشىنىڭ الپىس ەكى تامىرىن ءيدىرىپ, قۇلاق قۇرىشىن قاندىردى. ول ماحامبەتتىڭ ءور ولەڭدەرىنەن جان دۇنيەسىنىڭ جاقىندىعىن تاپتى. سول ۇرپاق ساباقتاستىعى بۇگىندە ءوز جالعاسىن تابۋدا, – دەيدى كونتسەرتتە ءان سالعان قر ەڭبەك سىڭىرگەن قايراتكەرى گۇلميرا سارينا.
شاپاعات ءابدىر
