«تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكتسيا اياسىندا قازاقستان حالقى اسسامبلەياسى جاستار قاناتىنىڭ وكىلدەرى ەلوردادا اعاشتار وتىرعىزدى, دەپ حابارلايدى astana-akshamy.kz.
قحا جاستارى ەكواكتسيا اكتسياسى اياسىندا 100-گە جۋىق شاعان مەن قاراعاي كوشەتتەرىن وتىرعىزدى.
«بۇل اكتسياعا ءاربىر ازامات, قالانىڭ ءاربىر تۇرعىنى قاتىسۋى ءتيىس دەپ سانايمىن. ويتكەنى قالاعا جاسىل جەلەكتەر قاجەت, جالپى قالا تىرشىلىگىنە قامقورلىقپەن قاراۋ كەرەك. ءبىز ءوز قاتىسۋشىلارىمىزدى ۇسىندىق», – دەدى قحا جاستار قوزعالىسىنىڭ قاتىسۋشىسى ەلەنا پەسكورسكايا.
«بۇل قالانىڭ جاعدايىنا وتە جاقسى اسەر ەتەدى, سونىمەن قاتار كوماندانى بىرىكتىرەدى. ءبىز بالا كەزىمىزدەن قالانىڭ جاي-كۇيىنە قامقورلىق جاسايمىز, تازالىقتى ساقتايمىز», – دەدى ەكواكتسياعا قاتىسۋشى ەليزاۆەتا وگاي.
بەلسەندىلەر ءار تۇرعىن ەكولوگيا مەن قورشاعان ورتانى جاقسارتۋ تۋرالى ويلانىپ, ەكواكتسيالارعا قاتىسۋى كەرەك دەپ سانايدى.
«مەنىڭ ويىمشا, بۇل اكتسيا جاستاردى وزدەرىنەن كەيىنگىلەرگە ۇلگى ەتىپ كورسەتەدى. اركىم اعاش وتىرعىزۋدان باستاۋى كەرەك دەپ سانايمىن. مۇنداي قادامدى بىرتىندەپ اۋقىمدى جاھاندىق ماسەلەلەرگە بۇرۋ كەرەك», – دەدى اكتسيانىڭ تاعى ءبىر قاتىسۋشىسى الينا نۇرعاليەۆا.
جىل سوڭىنا دەيىن استانادا 1 ميلليوننان استام كوشەت وتىرعىزۋ جوسپارلانۋدا.
