استانادا «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكواكتسياسى ءوتىپ جاتىر. ونىڭ اياسىندا سارىارقا اۋدانىنىڭ اكىمدىگى «بوتەلكەلەردى جيناپ, كوفە ال» اتتى ەرەكشە اكتسياسىن باستادى, دەپ حابارلايدى astana-akshamy.kz.
سارىارقا اۋدانى اكىمىنىڭ اپپاراتى ءبولىم باسشىسىنىڭ مىندەتىن اتقارۋشى دامير ءحيسماتۋلليننىڭ ايتۋىنشا, اكتسيا قوقىستى بولەك جيناۋ جانە بوتەلكەلەردى ودان ءارى وڭدەۋ پروتسەسىنە مۇمكىندىگىنشە كوپ ادامدى جۇمىلدىرۋ ءۇشىن وتكىزىلەدى.
«بوتەلكەلەردى جيناپ, كوفە ال» اكتسياسىنىڭ باستى ماقساتى پلاستماسسا, قالايى جانە شىنى بۇيىمداردى قايتا وڭدەۋ ماسەلەسىن ناسيحاتتاۋ ءۇشىن, سونداي-اق حالىقتى بوتەلكەلەردى بولەك جيناۋ جانە ودان ءارى قايتا وڭدەۋ پروتسەسىنە قاتىسۋعا قىزىقتىرۋ بولىپ سانالادى. اكتسيا اياسىندا پلاستماسسا, قالايى جانە شىنى بوتەلكەلەر قابىلدانادى. سونىمەن, كوفەگە ايىرباستاۋ ءۇشىن سىزگە 50 پلاستيك, 30 قالايى نەمەسە 15 شىنى بوتەلكە قاجەت. كوفەگە ايىرباستاۋ – بۇل ادامداردى قىزىقتىرۋ ءۇشىن سيمۆولدىق ىنتالاندىرۋ», – دەدى ول.
بوتەلكەلەردى تاپسىرعاننان كەيىن ولارعا سۋسىن الۋعا بولاتىن جەرگە سەرتيفيكات بەرىلەدى. ايتا كەتۋ كەرەك, اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كاناليزاتسياسى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلىپ جاتىر. سونداي-اق, جاسىل جەلەكتەردى كۇتىپ-ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى تازارتۋ, رۇقسات ەتىلمەگەن پوليگونداردى جويۋ جۇمىسى جۇرگىزىلىپ جاتىر.
