استانانىڭ ىرگەسىندەگى قوسشى قالاسىنىڭ حالقىنىڭ سانى 30 ەسە ارتىپ وتىرعانىنا بايلانىستى ەلدى مەكەننىڭ باس جوسپارىنىڭ جوباسى جۇرتشىلىق نازارىنا ۇسىنىلدى, دەپ حابارلايدى astana-akshamy.kz
قۇجات «اشىق نقا» پورتالىندا جاريالاندى. وندا قالانىڭ الداعى 14 جىلدا قالاي داميتىنى تۋرالى بولجام بەرىلگەن.
قالادا تۇرعىن ءۇي جىلجىمايتىن مۇلىكتىڭ جالپى اۋدانىن قازىرگى 1285 مىڭ شارشى مەتردەن 4500 مىڭعا دەيىن 3,5 ەسەگە ۇلعايتۋ جوسپارلانعان. بۇل جوسپارلار, قۇجات اۆتورلارىنىڭ ەسەپتەۋلەرىنە سايكەس, 2023 جىلدان 2038 جىلعا دەيىن قالا حالقى ءۇش ەسەگە ارتۋ ىقتيمال دەگەنگە بايلانىستى قۇرىلعان.
«سوڭعى 24 جىلدا ەلدى مەكەندەگى حالىق سانى 29,7 ەسەگە ارتتى. وسىعان بايلانىستى جوبالاناتىن قالا حالقىنىڭ بولجامدى سانىن انىقتاۋ كەزىندە حالىق سانىن گەومەتريالىق ۇلعايتۋ ءادىسى قابىلداندى. بۇل ءادىس حالىقتىڭ ءوسۋ قارقىنى قازىرگى ۋاقىتتا حالىق سانىنا پروپورتسيونالدى جاس جانە دامۋشى قالالار ءۇشىن قولدانىلادى (ياعني dP/dt ∝ P). سوندىقتان حالىقتىڭ پايىزدىق ءوسىمى تۇراقتى بولادى دەپ بولجانعان. 2023 جىلعى 1 قاڭتاردا قالا تۇرعىندارىنىڭ سانى 51 664 مىڭ ادام بولدى, ءبىرىنشى كەزەكتە 107,00 مىڭ ادامدى, ەسەپتى مەرزىمدە (2038 جىل) 150,00 مىڭ ادام بولادى», – دەلىنگەن قۇجاتتا.
باس جوسپار اۆتورلارىنىڭ ايتۋىنشا, قوسشى:
دامىعان قالا, استاناعا كونترماگنيت (ايماق تۇرعىندارىن تارتۋ ورتالىعى);
استانا ماڭىنداعى ازىق-تۇلىك ايماعى ورتالىقتارىنىڭ ءبىرى (اۋىل شارۋاشىلىعى ونىمدەرىن قايتا وڭدەۋ);
ەلوردالىق لوگيستيكالىق جەلىگە بىرىكتىرىلگەن ءوڭىردىڭ كولىك-لوگيستيكالىق ورتالىقتارىنىڭ بىرىنە اينالۋى كەرەك.
باس جوسپار جوباسى 17 شىلدەگە دەيىن تالقىلانادى.
سۋرەت: Tengrinews.kz / تۋرار كازانگاپوۆ
