مەملەكەت باسشىسى قاسىم-جومارت توقاەۆ ەل تاريحىندا ەرەكشە ورنى بار تۇلعالارعا قۇرمەت كورسەتۋ ءداستۇرى ەلىمىزدىڭ جالپىۇلتتىق بىرەگەيلىگىن نىعايتا تۇسۋگە زور سەپتىگىن تيگىزەتىنىن ايرىقشا اتاپ ءوتتى. بيىل 100 جىلدىعى اتالىپ وتىلەتىن حالىق قاھارماندارى ساعادات نۇرماعامبەتوۆ پەن راقىمجان قوشقارباەۆ تا قۇرمەتتى تۇلعالار قاتارىنان سانالادى. بۇگىنگى تاڭدا رەسپۋبليكا بويىنشا قوس باتىردىڭ قۇرمەتىنە ارنالعان شارالار باستالىپ كەتتى.
استانا قالاسىنداعى № 68665 قۇرلىقتىق اسكەري ءبولىمىنىڭ اسكەري قىزمەتشىلەرى كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى ساعادات نۇرماعامبەتوۆ پەن رەيحستاگقا تۋ تىككەن حالىق قاھارمانى راقىمجان قوشقارباەۆتىڭ 100 جىلدىق مەرەيتويىنا ورايلاستىرىلعان اكتسيا وتكىزدى.
– بيىل ۇلى وتان سوعىسى باتىرلارىنىڭ ءجۇز جىلدىق مەرەيتويى اتاپ وتىلۋدە. ەستافەتانى اقتاۋ تەڭىز جاياۋ اسكەرىنەن الىپ, چەللەندجدى قازاق حالقىنىڭ داڭقتى ۇلدارىنا ارنادىق. اسكەري قىزمەتشىلەر تولىق جاۋىنگەرلىك كيىممەن ءماجبۇرلى مارش جاسادى. ءاربىر جاۋىنگەردىڭ تەحنيكاسىنىڭ سالماعى شامامەن 20 كگ بولدى. بۇل تاپسىرمانى كۇردەلەندىردى, بىراق ولار ونى ابىرويمەن اتقاردى, – دەدى № 68665 اسكەري ءبولىمىنىڭ كومانديرى, پودپولكوۆنيك اباي الىبەكوۆ.
«دەنى ساۋدىڭ – جانى ساۋ» ۇرانىمەن وتكەن ءىس-شارانى اسكەري قىزمەتكەرلەر كولونناسىن بريگادا كومانديرى مەن ونىڭ ورىنباسارلارى باسقاردى. كەدىر-بۇدىرلى جەردە 24 شاقىرىم قاشىقتىققا جارىس اسكەري ءبولىمنىڭ اۋماعىنا جاقىن جەردە ءوتتى. كومپانيالاردىڭ ءبىرى شاڭعىمەن ءماجبۇرلى مارش جاسادى. ءىس-شاراعا بارلىعى 500-گە جۋىق اسكەري قىزمەتكەر قاتىستى.
ەلوردالىق № 68665 اسكەري ءبولىمىنىڭ اسكەري قىزمەتشىلەرى تاراز گارنيزونىنىڭ مەحانيكالاندىرىلعان بريگاداسىنا چەللەندجدى تاپسىردى.
