بيىل وقۋشىلاردىڭ قىسقى كانيكۋلىن قىزىقتى دا كوڭىلدى وتكىزۋ ءۇشىن ءارتۇرلى جاڭا جىلدىق ءىس-شارا ۇيىمداستىرىلۋدا.
استانا قالاسى ءبىلىم باسقارماسى ءباسپاسوز قىزمەتىنىڭ بەرگەن اقپاراتى بويىنشا قىسقى دەمالىس كەزىندە جالپى ءبىلىم بەرۋ ۇيىمدارىندا سپورت-دەنە شىنىقتىرۋدى دامىتۋ جانە نىعايتۋ ءۇشىن كوپتەگەن ءىس-شارا جۇزەگە اسادى. وسىعان بايلانىستى ەلوردا مەكتەپتەرىنىڭ وقۋشىلارى شاھارداعى مۇز ايدىندارىنا بارىپ, جاڭا جىلدان كەيىنگى قىسقى دەمالىسىن ءتيىمدى ءارى كوڭىلدى وتكىزەدى, كينوتەاتر, مۇراجايعا دا بارادى.
«بالالار كىتاپحاناسى» جوباسى اياسىندا «ۇنەمى وقيتىن ادام – تابىستى ادام» تاقىرىبىندا وقىرماندارمەن كەزدەسۋ, وقىعان كىتاپتارى تۋرالى تالقىلاۋ ۇيىمداستىرىلادى.
«ۇلتتىق مەكتەپ ليگاسى» جوباسى نەگىزىندە ءبىلىم الۋشىلاردىڭ دەنساۋلىعى مەن ءال-اۋقاتىن نىعايتۋدا ءبىلىم ۇيىمدارىمەن بىرلەسە «ۇلتتىق ويىن – ۇلت قازىناسى» سپورت ويىندارى وتكىزىلەدى.
«وقۋعا قۇشتار مەكتەپ» جوباسىن ىسكە اسىرۋ ماقساتىندا «مەن وقىعان ءبىر ەرتەگى», «پاراساتتىلىق تۋرالى» تاقىرىپتارىندا ءبىلىم الۋشىلارمەن اڭگىمەلەسۋ وقۋشىلارعا جاڭا باعىت, تىڭ يدەيا سىيلارى ءسوزسىز.
«اتا-انالار مەكتەبى» جوباسىن ورىنداۋدا «قىز نامىسى – ۇلت نامىسى», «اكەڭنىڭ تورىنە سەنبە, ەتكەن ەڭبەگىنە سەن!», «وتباسى تالانتى» تاقىرىپتارىندا اتا-انالار جينالىسىن وتكىزۋ جوسپارلانعان.
وقۋ وردالارىندا قۇقىق ساۋاتى مەن قۇقىق مادەنيەتىن قالىپتاستىرۋ بويىنشا ءىس-شارالار ۇيىمداستىرۋ دا ۇسىنىلادى.
جوعارى سىنىپ وقۋشىلارىمەن تازا اۋادا شاڭعى سايىسى وتكىزىلىپ, مەكتەپ سپورت زالدارىندا ۆولەيبول, باسكەتبول, شاحمات پەن تاس دويبىسىنان جارىس وتەدى, ەستافەتا جارىستارى دا ۇيىمداستىرىلادى.
