قىتايدا قازاقستاننىڭ مادەني ورتالىعى پايدا بولادى. بۇل تۋرالى بۇگىن پارلامەنت ءماجىلىسىنىڭ جالپى وتىرىسىندا ايتىلدى, دەپ حابارلايدى astana-akshamy.kz.
ءماجىلىس قازاقستان مەن قىتاي ۇكىمەتتەرى اراسىنداعى مادەني ورتالىقتاردى ءوزارا قۇرۋ تۋرالى كەلىسىمدى راتيفيكاتسيالادى. كەلىسىم 2023 جىلعى 27 قاراشادا استانادا جاسالعان. ول دوستىق قارىم-قاتىناستى دامىتۋعا, مادەني-گۋمانيتارلىق سالاداعى الماسۋ مەن ىنتىماقتاستىققا باعىتتالعان.
كەلىسىم ەكى مەملەكەت باسشىسىنىڭ قىتاي مەن قازاقستاندا تەڭدەستىرىلگەن نەگىزدە مادەني ورتالىقتار قۇرۋ تۋرالى كەلىسىمى اياسىندا ازىرلەندى. ولار جىبەرۋشى تاراپ اككرەديتتەگەن جانە قابىلداۋشى مەملەكەتتىڭ زاڭناماسىنا سايكەس جۇمىس ىستەيتىن كوممەرتسيالىق ەمەس ۇيىمدار رەتىندە جۇمىس ىستەيتىن بولادى. مۇنداي ورتالىقتاردىڭ قۇرىلۋى مادەني ءوزارا ءىس-قيمىلدى نىعايتۋعا سەرپىن بەرەدى.
