قازاقستاندىق وقۋشىلار دۇنيەجۇزىلىك ەڭ ۇلكەن عىلىمي-ينجەنەرلىك REGENERON ISEF 2024 كونكۋرسىنا اتتاندى, دەپ حابارلايدى astana-akshamy.kz
ءۇش قازاقستاندىق جاس ينجەنەر لوس-اندجەلەستە الەمنىڭ 70-تەن استام ەلىنەن كەلەتىن 2 000 وقۋشى اراسىندا جۇلدە قورى $9 ملن. قۇرايتىن Regeneron ISEF 2024 دۇنيەجۇزىلىك عىلىمي-ينجەنەرلىك بايقاۋىندا باق سىنايدى.
قازاقستان قۇراما كومانداسىنىڭ مۇشەلەرى بيىلعى وقۋ جىلىنىڭ رەسپۋبليكالىق عىلىمي جوبالار كونكۋرسىنىڭ قورىتىندى كەزەڭىندە ىرىكتەلدى, ولار:
ءاليحان جاربولوۆ – الماتى قالاسىنداعى رفمم 11-سىنىپ وقۋشىسى, ءوزىنىڭ ماتەماتيكالىق جوباسىمەن;
ءابىلمانسۇر راحمەتتۋللاەۆ – «Haileybury Astana» حالىقارالىق مەكتەبىنىڭ 12-سىنىپ وقۋشىسى, ينفورماتيكا پانىنەن;
ساياجان جاقسىعاليەۆا – استانا قالاسىنداعى «ميراس» حالىقارالىق مەكتەبىنىڭ 11-سىنىپ وقۋشىسى, حيميا پانىنەن عىلىمي جوبامەن قاتىسادى.
كونكۋرستىڭ سالتاناتتى اشىلۋ ءراسىمى 13 مامىردا تىنىق مۇحيتى ۋاقىت بەلدەۋى بويىنشا ساعات 19.00-دە وتەدى.
انىقتاما ءۇشىن: Regeneron ISEF – 13 پەن 18 جاس ارالىعىنداعى مەكتەپ وقۋشىلارىنىڭ عىلىمي جانە ينجەنەرلىك جەتىستىكتەرىنىڭ دۇنيەجۇزىلىك كورمە-كونكۋرسى. ول جاس عالىمداردى انىقتاۋ مەن قولداۋعا, قولدانبالى جانە ىرگەلى عىلىمدار سالاسىنداعى زەرتتەۋلەردى دامىتۋعا باعىتتالعان.
