رەسەي مۋزەيلەرىندەگى قازاققا تيەسىلى جادىگەرلەر ەلگە قايتارىلادى
رەسەي مۋزەيلەرىندەگى قازاققا قاتىستى جادىگەرلەردى قايتارۋ مەملەكەتارالىق كەلىسىم اياسىندا پىسىقتالادى. بۇل جايىندا مادەنيەت جانە اقپارات مينيسترلىگىنەن ءمالىم ەتتى, دەپ حابارلايدى
«ءتۇرلى سەبەپتەرمەن شەت مەملەكەتتەرگە كەتكەن تاريحي جادىگەرلەردى قايتارۋ ماسەلەسى ۇلتىمىزدىڭ رۋحاني جاڭعىرۋىنا ىقپال ەتەتىندىگى انىق. مينيسترلىك كورسەتىلگەن ماسەلەنىڭ ماڭىزىن ەسكەرە وتىرىپ, وتاندىق تاريح, مۇراعات, مادەنيەت سالاسىنداعى عالىمدار جانە شىعارماشىلىق ينتەلليگەنتسيا وكىلدەرىمەن بىرلەسىپ, شەتەل اسقان قۇندىلىقتارىمىز بەن ارتەفاكتىلەردىڭ ءتىزىمىن جاساۋ ماسەلەسىن پىسىقتادى», – دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا وراي.
ۆەدومستۆو مالىمەتىنشە, اتالعان تىزىمگە كورشىلەس رەسەيدەگى فەدەرالدىق مۋزەيلەردىڭ قورىنان جادىگەرلەر ەنگىزىلگەن.
«مۋزەي سالاسىنداعى ساراپشىلاردىڭ مالىمەتىنشە, بۇگىندە رەسەي اۋماعىنداعى مۋزەيلەردە XIX-XX عاسىرلاردا قازاقستان اۋماعىندا جۇرگىزىلگەن عىلىمي ەكسپەديتسيالار كەزىندە ساتىپ الىنعان نەمەسە سىيعا تارتىلعان ەكسپوناتتار ساقتالعان. ءوز كەزەگىندە كوپ جاعدايدا بۇل زاتتار قازاق حالقىنىڭ مەملەكەت رەتىندەگى تاريحىندا ماڭىزدى ءرول اتقارعان تۇلعالارعا تيەسىلى. سوندىقتان بۇل جادىگەرلەردى نەمەسە ولاردىڭ كوشىرمەسىن ەلگە قايتارۋ ماسەلەسى سول مەملەكەتتىڭ زاڭناماسىمەن ەكى ەلدىڭ اراسىنداعى مەملەكەتارالىق كەلىسىم اياسىندا پىسىقتالادى», – دەدى مينيسترلىكتەن.
