ەستەرىڭىزگە سالا كەتەيىك, بايقاۋ 6 نوميناتسيا بويىنشا ءوتتى: «ولەڭ – ءسوزدىڭ پاتشاسى, ءسوز ساراسى», «ابايدىڭ قارا سوزدەرى», «ابايدىڭ اقىن شاكىرتتەرىنىڭ شىعارمالارى», «كوڭىلىم ءاندى ۇعادى», «جۇيرىكتەن جۇيرىك وزار جارىسقاندا», «ءسوز ونەرىندەگى ۇلى اباي بەينەسى». قاتىسۋشىلار ابايدىڭ 200-گە جۋىق ولەڭىن, 45 قارا ءسوزىن جانە ەكى پوەماسىن جاتقا وقىدى.
سايىس قورىتىندىسى بويىنشا قازاقستان رەسپۋبليكاسى وقۋ-اعارتۋ مينيسترلىگىنىڭ ديپلومى 47 وقۋشىعا تاپسىرىلدى. اتاپ ايتساق, I دارەجەلى ديپلوممەن 6 قاتىسۋشى, II دارەجەلى ديپلوممەن 18 قاتىسۋشى جانە III دارەجەلى ديپلوممەن 23 قاتىسۋشى ماراپاتتالدى. ارنايى نوميناتسيا 18 وقۋشىعا تابىستالسا, ءار نوميناتسيا بويىنشا ەرەكشە جەتىستىگى ءۇشىن تاعى 20 وقۋشى گراموتامەن ماراپاتتالدى. سونداي-اق قاتىسۋشىلارعا باعالى سىيلىقتار تابىستالدى.
انىقتاما ءۇشىن: ححV رەسپۋبليكالىق «اباي وقۋلارى» قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن اباي وبلىسىنىڭ «اباي جانە شاكارىم» مەموريالدىق كەشەنىندە وتكىزىلدى. ۇيىمداستىرۋشىلار – «دارىن» رعپو جانە اباي وبلىسىنىڭ ءبىلىم باسقارماسى.
