استانادا جاراتىلىستانۋ-ماتەماتيكالىق باعىتتا 7-8 سىنىپ وقۋشىلارىنا ارنالعان رەسپۋبليكالىق وليمپيادا باستالدى, دەپ حابارلايدى https://astana-akshamy.kz/
ۇزدىك اتانۋ ءۇشىن 314 وقشى ءوزارا سىنعا تۇسۋدە.
وليمپيادانىڭ ماقساتى – جاراتىلىستانۋ-ماتەماتيكالىق باعىتتاعى پاندەردى تەرەڭدەتىپ وقۋعا وقۋشىلاردىڭ قىزىعۋشىلىعىن ارتتىرۋ, جاسوسپىرىمدەردى جوعارى دەڭگەيدەگى وليمپيادالارعا دايارلاۋ جۇيەسىن جەتىلدىرۋ جانە وليمپيادالىق رەزەرۆ قۇرۋ.
وليمپيادادا اكادەميالىق ادالدىق پەن اشىقتىقتىڭ ساقتالۋى ءۇشىن ونلاين رەجيمىندە قاراۋ مۇمكىندىگى بار بەينەباقىلاۋ جۇيەسى قوسىلعان. وليمپيادا اياقتالعاننان كەيىن قاتىسۋشىلاردىڭ جۇمىستارىنىڭ سكانەرلەنگەن كوشىرمەلەرى جانە دۇرىس جاۋاپتار www.daryn.kz «دارىن» رعپو ينتەرنەت-رەسۋرسىندا ورنالاستىرىلادى.
قازىلار القاسىنىڭ قۇرامىندا ەلىمىزدىڭ الدىڭعى قاتارلى جوعارى وقۋ ورىندارىنىڭ عالىم-پەداگوگتارى, سونداي-اق حالىقارالىق وليمپيادالاردىڭ بىرنەشە دۇركىن جەڭىمپازدارى بار.
جەڭىمپازدار مەن جۇلدەگەرلەر وقۋ-اعارتۋ مينيسترلىگىنىڭ «دارىن» رەسپۋبليكالىق عىلىمي-پراكتيكالىق ورتالىعىنىڭ I, II, III دارەجەلى ديپلومدارىمەن ماراپاتتالادى.
