استاناداعى ءبىر پاتەردە شەتەلدىكتەردى قوسقاندا 937 ادام تىركەلگەن, دەپ حابارلايدى astana-akshamy.kz
بىراق وندا ءبىر عانا وتباسى تۇرعان. الماتى وبلىسىندا دا وسىنداي 13 مىڭ فاكتى انىقتالدى.
ال جالپى پروكۋرورلار جالعان مەكەن-جايلار بويىنشا جانە «رەزەڭكە پاتەرلەردە» تىركەلگەن 22 مىڭ شەتەلدىكتى انىقتادى.
تەكسەرىس ناتيجەلەرى بويىنشا قۇجاتتاردى قولدان جاساۋعا, شەكارانى زاڭسىز كەسىپ وتۋگە, سوت اكتىلەرىن ورىنداماۋعا جانە باسقا دا بۇزۋشىلىقتارعا بايلانىستى بارلىعى 42 سوتقا دەيىنگى تەرگەپ-تەكسەرۋ باستالدى.
كەشە باس پروكۋراتۋرا القاسىنىڭ وتىرىسىندا ورتالىق مەملەكەتتىك ورگاندار باسشىلارىنىڭ قاتىسۋىمەن زاڭسىز كوشى-قونعا قارسى ءىس-قيمىلدىڭ وزەكتى ماسەلەلەرى قارالعان بولاتىن. وسى جانە باسقا دا دەرەكتەر سول جيىندا ايتىلدى.
قازىرگى جاعدايدا كوشى-قون پروتسەستەرىن ءتيىمدى باسقارۋ ەلدىڭ قاۋىپسىزدىگىن, تۇراقتىلىعىن جانە دامۋىن قامتاماسىز ەتۋدىڭ نەگىزگى ەلەمەنتىنە اينالىپ وتىر.
وسىعان بايلانىستى القا قورىتىندىلارى بويىنشا شەكارالاردىڭ ينجەنەرلىك-تەحنيكالىق قورعالۋىن نىعايتۋدى, اقپاراتتىق جۇيەلەردى جاڭعىرتۋ مەن ينتەگراتسيالاۋدى, سونداي-اق زاڭنامالىق تۇزەتۋلەردە كوزدەلگەن جاڭا ەرەجەلەردى ىسكە اسىرۋ شارالارىن پىسىقتاۋدى كوزدەيتىن كەشەندى شارالار ازىرلەندى.
