استانادا زاڭسىز قوقىسقا قارسى كۇرەس ءجۇرىپ جاتىر, دەپ حابارلايدى, دەپ حابارلايدى astana-akshamy.kz
جىل باسىنان بەرى قالانىڭ بەس اۋدانىندا رۇقسات ەتىلمەگەن 33 قوقىس ورنى جويىلدى, 45 مىڭ تونناعا جۋىق قالدىق شىعارىلدى.
ولاردىڭ كوپشىلىگى قازىردىڭ وزىندە جويىلدى, قالعاندارى بويىنشا جويۋ جۇمىس ءجۇرىپ جاتىر. مىسالى, سارىارقا اۋدانىندا مونيتورينگ ناتيجەلەرى بويىنشا 12 ستيحيالىق قوقىس ورنى تابىلدى. بۇگىنگى تاڭدا ولاردىڭ 8-ءى پىسىقتالدى, قالعاندارى بويىنشا جۇمىس اياقتالۋ ساتىسىندا. مەردىگەرلىك ۇيىمدار 16 مىڭ توننادان استام قوقىس شىعاردى.
بايقوڭىر اۋدانىندا كولەمى 3,3 مىڭ توننادان اساتىن رۇقسات ەتىلمەگەن 3پوليگون جويىلدى.
الماتى اۋدانىندا جويىلعان 20 ورىننان 15 000 توننا (2 142 رەيس) قوقىس شىعارىلدى.
ەسىل اۋدانىندا كولەمى 150 مىڭ توننا بولاتىن رۇقسات ەتىلمەگەن پوليگونداردىڭ 7 ورنى انىقتالدى. 9 مىڭ توننا قالدىق شىعارىلدى. جۇمىس ءجۇرىپ جاتىر.
نۇرا اۋدانىنان جويىلعان ورىننان 588 توننا قوقىس شىعارىلدى.
استانادا رۇقسات ەتىلمەگەن قوقىس ۇيىندىلەرىنەن قوقىس جيناۋعا ارنالعان قالالىق قتق پوليگونىنىڭ جانىندا ۋاقىتشا الاڭ بەلگىلەندى, ول الاش, 64 تاس جولىندا ورنالاسقان.
كۇن سايىن iKomek ارقىلى قۇرىلىس الاڭدارىنان قوقىس شىعارۋ جانە بەلگىلەنبەگەن ورىندارعا قوقىس تاستاۋ فاكتىلەرى انىقتالادى, قۇقىق قورعاۋ ورگاندارىمەن بىرلەسىپ, رەيدتىك ءىس-شارالار جۇرگىزىلەدى. جىل باسىنان بەرى 232 اكىمشىلىك قۇقىق بۇزۋشىلىق انىقتالدى.
زاڭسىز پوليگونداردى جويۋ جۇمىسى جالعاسۋدا. ونىڭ ىشىندە جاڭا وشاقتاردىڭ پايدا بولۋىنا جول بەرمەۋ بويىنشا شارالار قابىلدانىپ جاتىر.
ەستەرىڭىزگە سالا كەتەيىك, «تازا قازاقستان. استانا – تازالىق پەن ءتارتىپتىڭ ۇلگىسى» قالانى سانيتارلىق تازارتۋ, نوسەر جانە ارىق كارىزدەرىن تازارتۋ, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىسى ءجۇرىپ جاتىر.
سونداي-اق, جاسىل جەلەكتەردى كۇتىپ-ۇستاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلار ورناتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار جۇرگىزىلۋدە.
