«سامۇرىق-قازىنا» استانا مەكتەپتەرىندە ينكليۋزيانى قولداۋ كابينەتتەرىن اشادى, دەپ حابارلايدى https://astana-akshamy.kz
ينكليۋزيانى قولداۋ كابينەتتەرى ەلوردا مەكتەپتەرىندە جاڭا وقۋ جىلىندا اشىلادى. كابينەتتەر «Charity Samruk Marathon 2024» قايىرىمدىلىق شاراسىنان تۇسكەن 125 ملن تەڭگەگە جابدىقتالادى.
ەرەكشە بالالارعا ارنالعان سىنىپتار №22, №36, №59, №76, №97 مەكتەپتەردە اشىلادى. مۇندا بالالاردىڭ ماماندارمەن جەكە جۇمىس ىستەۋ ايماعى, توپتىق جۇمىس جۇرگىزۋگە ارنالعان ايماق, ەمدىك-دەنەشىنىقتىرۋ كابينەتى, سەنسورلىق ءتۇسىرۋ كەڭىستىگى بولادى.
«ۇندەۋگە بەي-جاي قاراماي, ءوز ۇلەسىن قوسقان جاندارعا العىسىمدى بىلدىرگىم كەلەدى. قور قوعامداعى ينكليۋزيانى دامىتۋدى ەرەكشە نازارىندا ۇستايدى, ءبىز وسىلايشا ءار بالانىڭ تەڭ ءبىلىم الۋىنا قول جەتكىزگىمىز كەلەدى», – دەپ اتاپ ءوتتى «سامۇرىق-قازىنا» اق باسقارما توراعاسى نۇرلان جاقىپوۆ.
ەسكە سالا كەتەيىك, «سامۇرىق-قازىنا» اق كومپانيالار توبىنىڭ قايىرىمدىلىق مارافونىنا 2 مىڭنان استام ادام قاتىسقان بولاتىن. تۇسكەن قاراجات بالالارعا ارنالعان الەۋمەتتىك جوبالاردى ىسكە اسىرۋ ءۇشىن قوردىڭ قايىرىمدىلىق قورى «Samruk-Kazyna Trust»-قا اۋدارىلعان بولاتىن.
