استانا قالاسىنداعى №6636 اسكەري بولىمىندە قىزمەت اتقارعان ساربازداردى زاپاسقا شىعارۋ قۇرمەتىنە ارنالعان سالتاناتتى ءىس-شارا ءوتتى.
اسكەري قىزمەتشىلەردى زاپاسقا شىعارۋ جانە ۇزدىكتەردى كوتەرمەلەۋ تۋرالى بۇيرىقتى جاريالاۋدان باستالدى. №6636 اسكەري ءبولىمىنىڭ كومانديرى, پولكوۆنيك ەرلان بورانباەۆ زاپاسقا شىققان اسكەري قىزمەتشىلەرگە قىزمەتى ءۇشىن العىسىن ءبىلدىردى.
– جىل بويى لايىقتى قىزمەت ەتتىڭىزدەر. بۇل ەرەسەك ومىرلەرىڭىزدىڭ ءبىرىنشى كەزەڭى بولدى. كەلەسى كەزەڭدە بەيىندى ماماندىق بويىنشا ەڭبەك ەتسە, ەكىنشىلەرى ۇلتتىق ۇلاندا نەمەسە قۇقىق قورعاۋ ورگاندارىندا اسكەري ەڭبەگىن جالعاستىرادى, – دەدى اسكەري ءبولىمنىڭ كومانديرى.
اسكەري قىزمەت مەرزىمى ىشىندە قىزمەتتىك مىندەتىن ادال اتقارعان 100-دەن استام اسكەري قىزمەتشى پولك كومانديرىنىڭ قۇتتىقتاۋىمەن ماراپاتتالدى.
بۇعان دەيىن اسكەري بولىمشەنىڭ 11 ۇلانى مەرزىمدى 2.0 باعدارلاماسى بويىنشا ەل ۋنيۆەرسيتەتتەرىندە وقۋعا گرانت الدى.
