ەلوردادا اسكەرگە شاقىرىلۋشىلاردىڭ مەديتسينالىق تەكسەرۋ پروتسەسسىن تسيفرلىق فورماتقا كوشىرۋ بويىنشا پيلوتتىق جوبا ىسكە قوسىلدى, دەپ حابارلايدى astana-akshamy.kz.
بۇل تۋرالى استانا قالالىق ءماسليحاتىنىڭ توراعاسى ەرلان كاناليموۆ ءوزىنىڭ الەۋمەتتىك پاراقشاسىندا جازدى.
-جوبانى تسيفرلاندىرۋ جانە مەملەكەتتىك قىزمەتتەر باسقارماسى ەلوردالىق ءماسليحاتتىڭ قولداۋىمەن ىسكە اسىرۋدا. باستاما اسكەري-دارىگەرلىك كوميسسيا جۇمىسىنىڭ اشىقتىعى مەن تيىمدىلىگىن ارتتىرۋعا باعىتتالعان. مەديتسينالىق تەكسەرۋلەر تەزىرەك جانە ىڭعايلى بولادى دەپ كۇتىلۋدە, – دەدى ول.
دارىگەرلەر ەلەكتروندى مەديتسينالىق جازبالاردىڭ ارقاسىندا اسكەرگە شاقىرىلۋشىلاردىڭ دەنساۋلىعىنا قاتىستى ماسەلەلەردى دالىرەك انىقتاي الادى. سونداي-اق, بۇل ماماندار مەن مەديتسينالىق كوميسسيا اراسىندا اقپارات الماسۋدى جەڭىلدەتەدى, بۇل اسكەرگە شاقىرىلۋشىلاردىڭ جاعدايىن دياگنوستيكالاۋ جانە باعالاۋ پروتسەسىن جەدەلدەتەدى.
