سۋ تاسقىنىنا قارسى «كوكتەم-2024» اۋقىمدى كوماندالىق-شتابتىق وقۋ-جاتتىعۋلارى سارىارقا اۋدانىنىڭ اۋماعىندا ءوتتى, دەپ حابارلايدى astana-akshamy.kz.
سۋ تاسقىنى كەزىندە اۆاريالىق-قۇتقارۋ ءىس-قيمىلدارىن اۋقىمدى پىسىقتاۋعا 100-دەن استام قۇتقارۋشى, ءورت سوندىرۋشىلەر, اسكەري, ەرىكتىلەر جانە ت. ب. قاتىستى.
ستسەناري بويىنشا قاتىسۋشىلارعا ەنەرگەتيكالىق قوسالقى ستانتسيا مەن رەسپۋبليكالىق تراسسانى سۋ باسۋدىڭ الدىن الۋ, ادامداردى ەۆاكۋاتسيالاۋ جانە زارداپ شەككەندەرگە العاشقى كومەك كورسەتۋ مىندەتى قويىلدى. تاپسىرمالاردى ورىنداۋ ءۇشىن قۇتقارۋشىلار مەن اۋدان اكىمدىگىنىڭ قىزمەتكەرلەرى بوگەتتى نىعايتۋ مەن كانالدى قازىنداۋ بويىنشا ءىس-قيمىل الگوريتمىن ازىرلەدى.
ايتا كەتەيىك, «سارىارقا» اۋدانىندا سۋ تاسقىنىنا قارسى ءىس-شارالار قاڭتار ايىنىڭ ورتاسىنان باستاپ جۇرگىزىلۋدە. وسى ۋاقىت ىشىندە ارىق-ناۋا جەلىلەرى, درەناجدىق جانە جاڭبىر قابىلدايتىن قۇدىقتار تازارتىلۋدا. سونداي-اق, جەكە سەكتوردان تۇرعىندار جول جيەگىنە جيناعان قار شىعارىلادى. بۇدان بولەك, قار تازالاۋ قاراشادان باستاپ ەكى اۋىسىمدىق رەجيمدە ءجۇرىپ جاتىر. ماسەلەن, قىس مەزگىلىنىڭ باسىنان باستاپ بۇكىل اۋدان اۋماعىنان پوليگونعا 830 مىڭ تەكشە مەتردەن استام قار شىعارىلدى.
