سارىارقا اۋدانىنىڭ اۋماعىندا جىلى ايالداما كەشەندەرىن اباتتاندىرۋ جۇمىستارى جالعاسۋدا, دەپ حابارلايدى astana-akshamy.kz
اۋداندا جابىق ۇلگىدەگى 68 ايالداما كەشەنى بار, ولاردىڭ 57-ءى اۋداندىق اپپاراتتىڭ بالانسىندا, ال 11-ءى دەمەۋشىلەردىڭ قاراجاتى ەسەبىنەن اباتتاندىرىلعان. ايالدامالار جىلىتۋ, بەينەباقىلاۋ, جارىقتاندىرۋ جانە ەلەكتر قۋاتى جۇيەلەرىمەن جابدىقتالعان.
بيىل 5 جىلى ايالداما كەشەنىن ورناتۋ بويىنشا جۇمىستار جۇرگىزىلدى. اتاپ ايتقاندا, «65 مەكتەپ», «ريو-دە-جانەيرو» تك, «استانا تەحنوپاركى» ايالداماسى, «ميرنىي دوم» تك جانە «چەحوۆ كوشەسى» ايالداماسى ورناتىلدى. قازىرگى ۋاقىتتا №94 مەكتەپ-گيمنازياسى ايالداماسىن ورناتۋ جۇمىستارى جالعاسۋدا. سونىمەن قاتار, ەسكى جىلى ايالداما پاۆيلوندارىنا كۇردەلى جوندەۋ جۇمىستارى جۇرگىزىلۋدە. جوندەۋ جۇمىستارى اياسىندا جارىقتاندىرۋ جۇيەسىن تولىق اۋىستىرۋ, جاڭا كونديتسيونەرلەر مەن جىلىتقىشتاردى ورناتۋ, تولىق بوياۋ, ەدەندەردى اۋىستىرۋ, سونداي-اق جاڭا رەزەڭكە توسەنىشتەردى ورناتۋ قاراستىرىلعان.
