استانادا وقۋشىلاردى جان-جاقتى دامىتاتىن, ياكي سالت-ءداستۇر مەن روبوتوتەحنيكانى قاتار ۇيرەتەتىن لاگەر جۇمىس ىستەيدى, دەپ حابارلايدى astana-akshamy.kz
م.اۋەزوۆ اتىنداعى №86 مەكتەپ-گيمنازيا جانىندا بالالاردىڭ جازعى دەمالىسىن ءتيىمدى ۇيىمداستىرۋ ماقساتىندا جازعى «سارىجايلاۋ» ەتنولاگەرى اشىلدى.
سارىجايلاۋ» ەتنولاگەرىندە ءبىرىنشى ماۋسىمدا 300-گە جۋىق وقۋشى دەمالسا, ەكىنشى ماۋسىمدا 200-گە تارتا وقۋشى قامتىلعان.
ەتنولاگەرگە 1-8-سىنىپتىڭ وقۋشىلارى بارىپ ءجۇر. مەكتەپ اۋلاسىنا 2 كيىز ءۇي تىگىلگەن.
كۇن ءتارتىبى تاڭعى بيمەن باستالىپ, لاگەردە دەمالۋشىلار «قارا جورعا» ءبيىن بيلەيدى. ودان كەيىن «سالت-داستۇرلەردى ۇيرەنۋ», «قولونەر», «ۇلتتىق تاعامدار», «قىش ونەرى» سياقتى شەبەرلىك ساباقتارى وتەدى.
بۇعان قوسا, «ۇلتتىق ءداستۇرىن ۇلىقتاعان ۇرپاق» تاقىرىبىندا «اجەلەر مەكتەبىنىڭ» ساباقتارى, توعىزقۇمالاق, بەس اسىق سياقتى ۇلتتىق ويىندار, روبوتوتەحنيكا جانە STEM ساباقتارى, دومبىرا مەن ءان ساباقتارى ۇيىمداستىرىلادى.
