جۋىردا استانا قالاسى ورتالىقتاندىرىلعان كىتاپحانالار جۇيەسىنە قاراستى ورتالىق بالالار جانە جاسوسپىرىمدەر كىتاپحاناسىندا تەاتر جانە كينو تارلانى, كسرو حالىق ءارتىسى شاكەن ايمانوۆتىڭ 110 جىلدىعىنا وراي «قازاق كينوسىنىڭ جۇلدىزى» اتتى تاريحي پورترەت جانە اقيىق اقىن مۇقاعالي ماقاتاەۆتىڭ ءومىر جولى, شىعارماشىلىعىنا ارنالعان ادەبي كەزدەسۋ ءوتتى.
تاريحي پورترەت بارىسىندا شاكەن ايمانوۆتىڭ قازاق تەاترى مەن كينوسىنىڭ قالىپتاسۋىنا قوسقان ولشەۋسىز ۇلەسى اڭگىمە وزەگىنە اينالىپ, اكتەر رەتىندە كەز كەلگەن كەيىپكەردىڭ جان دۇنيەسىن اشۋداعى شەبەرلىگى, قازاقتىڭ بولمىسىن, سالت-ءداستۇرىن, تۇرمىس-تىرشىلىگىن كينو ونەرى ارقىلى پاش ەتكەنى, «قازاقفيلم» كينوستۋدياسى مەن پاۆلودار قالاسىنداعى كينوتەاترعا ونىڭ اتى بەرىلگەنى ايتىلدى.
ايتقانداي, قالا كىتاپحانالارىنىڭ قورىندا «توپجارعان» ەسسە-كىتابى بار.
بۇل كىتاپ شاكەن ايمانوۆتىڭ تۋعانىنا 100 جىل تولۋىنا وراي قازاق جانە ورىس تىلدەرىندە جارىق كوردى. كىتاپتا كورنەكتى تۇلعانىڭ ازاماتتىق جانە شىعارماشىلىق ۇستانىمدارى, فيلوسوفيالىق كوزقاراستارى, سونداي-اق ونىڭ ومىرلىك ۇستانىمى كورسەتىلگەن. وندا شاكەن ايمانوۆتىڭ ارىپتەستەرى, اكتەرلەر, دوستارى مەن تۋىستارىنىڭ ەستەلىكتەرىن تابۋعا بولادى.
ال اقىن شىعارماشىلىعىنا ارنالعان ادەبي كەزدەسۋگە م.جۇماباەۆ اتىنداعى حالىقارالىق كوللەدج ستۋدەنتتەرى, ع.ورمانوۆ اتىنداعى №7 مەكتەپ-گيمنازيا مەن № 8 مەكتەپ-ليتسەي وقۋشىلارى مەن ۇستازدارى قاتىسىپ, مۇقاعالي ماقاتاەۆتىڭ ولەڭدەرىن وقىدى.
مۇقاعالي تۋعان قاراساز اۋىلىنىڭ تۋماسى, ەڭبەك ارداگەرى مارات توقسانباي جانە ۇلاعاتتى ۇستاز, ى.التىنسارين اتىنداعى توسبەلگىنىڭ يەگەرى, ءبىلىم بەرۋ ءىسىنىڭ ۇزدىگى وسپان سۇلەيمەنۇلى ونەگەلى اڭگىمە ايتىپ, ەستەلىكتەرىمەن ءبولىستى.
