بۇگىن قالا اكىمى جەڭىس قاسىمبەك ەلوردا تۇرعىنى, وسى جىلى شاحماتتان جاسوسپىرىمدەر اراسىندا الەم چەمپيونى اتانعان قازىبەك نوگەربەكپەن كەزدەسىپ, وعان استانا قالاسى شاحمات فەدەراتسياسىنىڭ قولداۋىمەن قالادان 2 بولمەلى پاتەردىڭ سەرتيفيكاتىن تابىستادى, دەپ حابارلايدى astana-akshamy.kz
جاس شاحماتشى 20 جاسقا دەيىنگى FIDE World Junior (Open & Girls) Chess Championships 2024 باسەكەسىندە التىن مەدالعا يە بولعان ەدى. ماۋسىم ايىندا وتكەن چەمپيوناتقا 120-دان استام قاتىسۋشى, ونىڭ ىشىندە 13 گروسسمەيستەر مەن 27 حالىقارالىق شەبەرى قاتىستى.
-قازىبەكتى, ونىڭ تۋىستارىن, جاتتىقتىرۋشىسىن جانە قازاقستان شاحمات فەدەراتسياسىن ايتۋلى جەڭىسىمەن قۇتتىقتايمىن! سىزدەردىڭ شىدامدىلىقتارىڭىز, ەڭبەكقورلىقتارىڭىز جانە شاحماتقا دەگەن سۇيىسپەنشىلىكتەرىڭىز قاشاندا قۇرمەتكە لايىق! قازىبەككە الداعى ۋاقىتتا دا ۇلكەن جەڭىستەر تىلەيمىن! ءوز تاراپىمىزدان شاحماتتان قالا قۇراماسىنا كومەك كورسەتۋدى ارى قاراي جالعاستىرامىز, – دەدى اكىم.
