ەڭبەكمينى شەتەلدە جۇمىس ىستەيتىن قازاقستاندىقتاردىڭ قۇقىقتارىن قامتاماسىز ەتۋ جونىندەگى جۇمىستى جالعاستىرۋدا, دەپ حابارلايدى astana-akshamy.kz
ەڭبەك جانە حالىقتى الەۋمەتتىك قورعاۋ مينيسترلىگى قازاقستان رەسپۋبليكاسى كوشى-قون ساياساتىنىڭ 2023-2027 جىلدارعا ارنالعان تۇجىرىمداماسىن ىسكە اسىرۋ شەڭبەرىندە قازاقستان ازاماتتارىنىڭ ەداۋىر سانىن تارتاتىن ەلدەرمەن ەڭبەك ميگرانتتارىنىڭ ەڭبەك جانە الەۋمەتتىك قۇقىقتارىن قامتاماسىز ەتۋ جونىندەگى ەكىجاقتى كەلىسىمدەردى پىسىقتاۋ جۇرگىزۋدە.
بۇگىندە ەڭبەك قىزمەتىن رەتتەۋ جانە ەڭبەكشى-ميگرانتتاردىڭ قۇقىقتارىن قورعاۋ جونىندەگى كەلىسىمدەردىڭ جوبالارى تۇركيا, ءباا, ساۋد ارابياسى, ۇلىبريتانيا, كورەيا رەسپۋبليكاسى, يزرايل, گەرمانيا, لاتۆيا جانە جاڭا زەلانديا سياقتى مەملەكەتتەرمەن ازىرلەندى.
بۇل رەتتە كاتارمەن كەلىسىمگە قول جەتكىزىلدى, ول ەڭبەك ميگرانتتارىنىڭ كەلۋ, بولۋ جانە كەتۋ ءتارتىبىن; ولاردىڭ ەڭبەكاقى تولەۋ جانە ەڭبەك جاعدايلارى, وتەماقىلار بولىگىندەگى قۇقىقتارىن قورعاۋدى; ەڭبەك مىندەتتەرىن ورىنداۋ كەزىندە مەرتىگۋ كەزىندە زالالدى وتەۋ ءتارتىبىن جانە ت. ب. رەگلامەنتتەيدى.
بولاشاقتا قول جەتكىزىلگەن بارلىق ەكىجاقتى كەلىسىمدەر قازاقستاننان دا, كونتراگەنت-ەلدەردەن دە ەڭبەك ميگرانتتارىنىڭ ەڭبەك جانە الەۋمەتتىك قۇقىقتارىن قامتاماسىز ەتۋگە مۇمكىندىك بەرەدى.
سونداي-اق, كورەيا رەسپۋبليكاسىنىڭ ەڭبەك جانە جۇمىسپەن قامتۋ مينيسترلىگىمەن بىرلەسىپ, قازاقستاندى وڭتۇستىك كورەيادا زاڭدى تۇردە جۇمىسقا ورنالاسۋعا, سونداي-اق ولارعا تەڭ ەڭبەك جاعدايلارى مەن قۇقىقتاردى قورعاۋدى قامتاماسىز ەتۋگە مۇمكىندىك بەرەتىن «Employment permit System» (بۇدان ءارى – EPS) وڭتۇستىك كورەيا جۇيەسىنە قوسۋ بويىنشا جۇمىس جۇرگىزىلۋدە.
بۇدان باسقا, قوناەۆ قالاسىندا EPS جۇيەسى بويىنشا قازاقستاندىقتاردى وقىتۋدى جۇرگىزۋ ءۇشىن ورتالىق قۇرۋ بويىنشا جۇمىس جۇرگىزىلۋدە.
