استانادا شىعىس قازاقستان وبلىسى اكىمىنىڭ سيمفونيالىق وركەسترىنىڭ «كلاسسيكالىق مۋزىكا كەشى» كونتسەرتى ءوتتى. ءىس-شارا اتالمىش ونەر ۇجىمىنىڭ 20 جىلدىعىنا ارنالدى.
ۇجىمنىڭ باس ديريجەرى – الەكساندر گالسانوۆ. كونتسەرتتىك باعدارلامادا قازاقستاندىق جانە شەتەلدىك بەلگىلى كومپوزيتورلاردىڭ ۆوكالدىق, كلاسسيكالىق جانە اسپاپتىق شىعارمالارى ورىندالدى. كونتسەرتكە «ەرتىس كونتسەرت» كمقك حالىقارالىق جانە رەسپۋبليكالىق بايقاۋلارىنىڭ لاۋرەاتتارى بوتاگوز جۇمابەكوۆا, جانات بيسىمباەۆ, ارنيكا بايبوسىنوۆا, اباي قايىربەك, دارىن بيسارينوۆ, مادەنيەت سالاسىنىڭ ۇزدىگى ايجان مازكەنوۆا, مادەنيەت قايراتكەرى الميرا نۇرعوجينا, قازاقستاننىڭ ەڭبەك سىڭىرگەن ءارتىسى ۆياچەسلاۆ تكاچ قاتىستى.
