قورشاعان ورتانى قورعاۋ سالاسىنداعى ىنتىماقتاستىقتى دامىتۋ پەرسپەكتيۆالارى تالقىلاندى
بۇگىن استانادا شىۇ شەڭبەرىندە قورشاعان ورتانى قورعاۋ سالاسىنداعى ىنتىماقتاستىقتى دامىتۋ پەرسپەكتيۆالارى تالقىلاندى, دەپ حابارلايدى astana-akshamy.kz
ەلوردادا قورشاعان ورتانى قورعاۋ ماسەلەلەرىنە جەتەكشىلىك ەتەتىن شىۇ-عا مۇشە مەملەكەتتەردىڭ مينيسترلەرى مەن ۆەدومستۆو باسشىلارىنىڭ 5-ءشى كەڭەسى ءوتتى.
ءىس-شاراعا شىۇ باس حاتشىسى چجان مين مىرزا, سونداي-اق ءۇندىستان, يران, قىتاي, قىرعىزستان, پاكىستان, رەسەي, تاجىكستان, وزبەكستان جانە بەلارۋس دەلەگاتسيالارى قاتىستى.
كەڭەسكە قاتىسۋشىلارعا قر ەكولوگيا جانە تابيعي رەسۋرستار ءمينيسترى ەرلان نىسانباەۆ قۇتتىقتاۋ ءسوز سويلەدى.
اتاپ ايتقاندا, ول: «ءوز قىزمەتىنىڭ 23 جىلىندا شىۇ ىقپالدى حالىقارالىق ينستيتۋتتاردىڭ بىرىنە جانە ءبىزدىڭ ەلدەرىمىز اراسىنداعى ىنتىماقتاستىقتى نىعايتۋدا جانە وڭىرلىك جانە جاھاندىق پروبلەمالاردى شەشۋ بويىنشا قاجەتتى قادامداردى قابىلداۋدا ءتيىمدى قۇرالعا اينالدى.
ەكولوگيالىق پروبلەمالاردىڭ شەگى جوق جانە شىۇ-نىڭ بارلىق ەلدەرىنە ۇقساس ەكولوگيالىق پروبلەمالار ءتان, ولاردى تەك كۇش بىرىكتىرۋ ارقىلى بىرلەسىپ شەشۋ قاجەت».
بۇدان ءارى دەلەگاتسيا باسشىلارى شىۇ شەڭبەرىندە قورشاعان ورتانى قورعاۋ سالاسىنداعى ىنتىماقتاستىقتىڭ قازىرگى جاعدايى مەن دامۋ پەرسپەكتيۆالارى تۋرالى باياندامالار جاسادى.
سونداي-اق, كەڭەس بارىسىندا ەكولوگيالىق ماسەلەلەردى شەشۋدە, كليماتتىڭ وزگەرۋىندە, پارنيكتىك گازدار شىعارىندىلارىن ازايتۋدا, قالدىقتاردى ءتيىمدى باسقارۋدا, ەرەكشە قورعالاتىن تابيعي اۋماقتار سالاسىنداعى ىنتىماقتاستىقتى دامىتۋدا بىرلەسكەن ءىس-قيمىلدار جاساۋعا باعىتتالعان بىرقاتار ماسەلەلەر قارالدى.
«بۇگىنگى كەڭەس شىۇ-نىڭ قورشاعان ورتانى قورعاۋ سالاسىنداعى قىزمەتىن جەتىلدىرۋ جانە ءبىزدىڭ ەلدەر باسشىلارىنىڭ الدىمىزعا قويعان مىندەتتەرىن ىسكە اسىرۋ ءۇشىن جاقسى سەرپىن بولاتىنىنا سەنىمدىمىن.
كەڭەستىڭ بارلىق قاتىسۋشىلارىنا جەمىستى جۇمىس تىلەيمىن», – دەدى ە.نىسانباەۆ ءوز ءسوزىنىڭ سوڭىندا.
