استانادا ساقشىلار سينتەتيكالىق ەسىرتكى تاراتۋشىلار توبىن ۇستادى, دەپ حابارلايدى astana-akshamy.kz.
جەدەل ىزدەستىرۋ شارالارى بارىسىندا ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ەلوردادا ەسىرتكى تاراتۋمەن اينالىسقان توپتى قۇرىقتادى.
تەرگەۋ بارىسىندا 27 جانە 25 جاستاعى ەكى قاتىسۋشى ەسىرتكىنى جەتكىزۋگە, قارجىلاندىرۋعا جانە ساقتاۋعا جاۋاپتى نەگىزگى ۇيىمداستىرۋشىلارى ەكەنى بەلگىلى بولدى. توپتىڭ قالعان مۇشەلەرى ەلوردا اۋماعىندا سينتەتيكالىق ەسىرتكى زاتتارىن تاراتۋمەن اينالىسقان.
ءتىنتۋ كەزىندە 330 بۋما ەسىرتكى زاتتارى, ەلەكتروندى تارازىلار, كوپتەگەن ماگنيتتەر مەن قاپشىقتار تابىلدى. تاركىلەنگەن ەسىرتكىنىڭ جالپى سالماعى شامامەن 1 كەلىنى قۇراعان. ولار مەفەدرون, MDMA (ەكستەزي), Alfa PVP (سكوروست) سياقتى سينتەتيكالىق پرەپاراتتار.
ەسىرتكى زاتتاردى وتكىزۋ ماقساتىندا زاڭسىز ساقتاۋ جانە تاسىمالداۋ بابى بويىنشا قىلمىستىق ءىس قوزعالىپ, كۇدىكتىلەر قاماۋعا الىندى.
