استاناداعى “SOS” باتىرمالارىنا جازدىڭ العاشقى كۇنىندە بىرنەشە تۇرعىن جۇگىندى, دەپ حابارلايدى astana-akshamy.kz
ۆيدەودا بايقالعانداي, كوپىر ماڭىنداعى دابىل باتىرماسىن باسقان ەر ادام 5 جاسار قىزدى تاۋىپ العانىن پوليتسەيلەرگە حابارلادى. ءتارتىپ ساقشىلارى ءبۇلدىرشىننىڭ اتا-اناسىن تابۋعا كومەكتەستى.
ال ۆوكزالعا جاقىن جەردەگى “SOS” باتىرماسىنا ايەل جۇگىندى. ول اۋىر جاعدايداعى قارت كىسىگە كومەك كەرەك ەكەنىن ايتقان. جاقىن ماڭداعى پوليتسەيلەر قالا تۇرعىنىن تەز ارادا اۋرۋحاناعا جەتكىزدى.
ورتالىق جاعالاۋعا جاقىن جەردەگى “SOS” باتىرماسىنا 14 جاستاعى ءجاسوسپىرىم جۇگىنىپ, ءىنىسىنىڭ جوعالىپ كەتكەنىن حابارلادى. پوليتسيا قىزمەتكەرلەرى كامەلەتكە تولماعان بالانى تەز ارادا تاۋىپ بەردى.
جەرۇيىق ساياباعىنداعى باتىرمانى ەكى ايەل باستى. ولار ەرەسەكتەردىڭ قاراۋىنسىز جۇرگەن بالالاردى تاپقانىن ايتتى. پوليتسەيلەر بۇل ءوتىنىشتى تە نازاردان تىس قالدىرمادى.
جالپى جىل باسىنان بەرى قازاقستاندىقتار “SOS” باتىرمالارىنا 40 رەت جۇگىنگەن.
