استانا قالاسى كوممۋنيكاتسيالار قىزمەتى الاڭىندا ەلوردادا ءساۋىر-مامىر ايلارىنا جوسپارلانعان سپورتتىق ءىس-شارالار تۋرالى مالىمەت بەرىلدى. ءباسپاسوز ءماسليحاتىنا قالالىق دەنە شىنىقتىرۋ جانە سپورت باسقارماسى باسشىسى ورىنباسارىنىڭ مىندەتىن اتقارۋشى ازامات اعزاموۆ, استانا قالاسى اكىمدىگى سپورتتىق-بۇقارالىق ءىس-شارالاردى وتكىزۋ ديرەكتسياسى باسشىسىنىڭ ورىنباسارى راۋان ساقىپوۆ قاتىستى.
15-19 ءساۋىر ارالىعىندا كەڭەس وداعىنىڭ باتىرى, حالىق قاھارمانى, ارميا گەنەرالى, قازاقستاننىڭ تۇڭعىش قورعانىس ءمينيسترى ساعادات نۇرماعامبەتوۆتىڭ 100 جىلدىعىنا وراي بەلسەندى ۇزاق ءومىر ءسۇرۋ ورتالىعىندا استانا قالاسىنىڭ زەينەتكەرلەرى اراسىندا شاحمات ءتۋرنيرىن ۇيىمداستىرۋ جوسپارلانعان. 17 ءساۋىر كۇنى «ترياتلون» ساياباعىندا «وليمپيادا ويىندارىنا 100 كۇن» اتتى 5 شاقىرىم قاشىقتىققا جۇگىرۋ جارىسى وتەدى. 27 ساۋىردە «Senat Open» ءى اشىق كۋبوگىنىڭ ىرىكتەۋ كەزەڭى وتەدى. جارىسقا قالالىق ءماسليحات دەپۋتاتتارى, قالالىق قوعامدىق كەڭەستىڭ مۇشەلەرى جانە ەلو رەيتينگى 2000-عا دەيىنگى بۇقارالىق اقپارات قۇرالدارىنىڭ وكىلدەرى قاتىسا الادى.
1 مامىر كۇنى ەلوردانىڭ بەس اۋدانىندا قازاقستان حالقى بىرلىگى كۇنىنە ارنالعان ۇلتتىق سپورت تۇرلەرىنەن جارىستار ۇيىمداستىرىلادى. 9 مامىردا «ترياتلون» ساياباعىندا ۇلى جەڭىس كۇنىنە ارنالعان جەڭىلاتلەتيكالىق ەستافەتا ەلوردا مەكتەپتەرىنىڭ 8, 9, 10-سىنىپ وقۋشىلارى جانە جوو ستۋدەنتتەرى اراسىندا وتەدى. 10-12 مامىر ارالىعىندا دزيۋدودان Qazaqstan Barysy Grand Slam-2024 رەيتينگتىك تۋرنير وتكىزۋ جوسپارلانعان. بۇل سايىس – پاريج وليمپياداسىنا رەيتينگتىك ۇپاي بەرەتىن سوڭعى Grand Slam ءتۋرنيرى. 18 مامىردا «ترياتلون» ساياباعىندا «Run for Autism» قايىرىمدىلىق جارىسى ۇيىمداستىرىلادى. بۇل – اۋتيزمگە قارسى كۇرەسكە باعىتتالعان 1 كم, 2,5 كم, 5 كم, 10 كم قاشىقتىقتاعى قالالىق اۋقىمدى سپورتتىق ءىس-شارا.
«اstana Half Marathon» بيىل ءۇشىنشى جىل وتكىزىلمەك. بۇل – سپورت اۋەسقويلارى مەن سالاۋاتتى ءومىر سالتىن ۇستانۋشىلارعا ارنالعان جۇگىرۋدەن ەڭ ءىرى جانە كورنەكتى جارىستىڭ ءبىرى. وعان 16 جاستان باستاپ قاتىسۋعا بولادى. مامىر ايىندا «Aspan» سپورت كەشەنىندە ەرەسەكتەر اراسىندا قازاق كۇرەسىنەن «استانا بارىسى» ىرىكتەۋ ءتۋرنيرى ۇيىمداستىرىلادى. سونداي-اق ەرلەر مەن ايەلدەر اراسىندا بوكستان «Elorda cup» ءتۋرنيرى وتەدى. بۇقارالىق ۆەلوجارىس ماۋسىمىنىڭ اشىلۋى مامىر ايىنا جوسپارلانعان.
