«بالداۋرەن» رەسپۋبليكالىق وقۋ-ساۋىقتىرۋ ورتالىعىندا كەلەسى اپتادا جاڭا ماۋسىم باستالادى. بيىلعى جازدا بۇل ورتالىق 6000-نان استام بالانى قابىلدايدى, دەپ حابارلايدى رەسپۋبليكالىق وقۋ-ساۋىقتىرۋ ورتالىعى جازعى كەزەڭدە ارقايسىسى 15 كۇننەن تۇراتىن بەس اۋىسىم وتكىزەدى, ءاربىر اۋىسىم رۋحاني-ادامگەرشىلىك, پاتريوتتىق ءتاربي بەرۋ, بالالاردىڭ فيزيكالىق دامۋى سەكىلدى ءتۇرلى باعىتتاردى قامتيدى.
«بيىلعى جىلدىڭ باسىنان ورتالىقتا 5800 بالا دەمالدى, ولاردىڭ 842-ءسى زارداپ شەككەن ايماقتاردان كەلگەن بالالار. كەلەسى اپتادا جاڭا ماۋسىمعا اتىراۋ جانە سولتۇستىك قازاقستان وبلىستارىنان تاعى 17 بالا كەلەدى دەپ كۇتىلۋدە. جازدىڭ سوڭىنا دەيىن سۋ تاسقىنىنان زارداپ شەككەن ايماقتاردان 1000-عا جۋىق بالانى دەمالىسپەن قامتۋ جوسپارلانىپ وتىر», – دەپ حابارلادى «بالداۋرەن» روسو ءباسپاسوز قىزمەتى.
ايتا كەتەيىك, ورتالىق ءارتۇرلى قۇرىلىمدىق بولىمشەلەردەن تۇرادى: ءبىلىم بەرۋ, تاربيە, مەديتسينالىق, دەنە شىنىقتىرۋ كەشەندەرى. انىقتاما ءۇشىن: سۋ تاسقىنى باستالعالى بەرى ءتۇرلى رەسپۋبليكالىق ساۋىقتىرۋ ورتالىقتارىندا 1083 بالا دەمالدى. جازعى كەزەڭدە دەمالىسپەن تاعى 3,7 مىڭعا جۋىق بالا قامتىلادى.
