قازاقستاندا سۋ تاسقىنىنان زارداپ شەككەن وتباسىلارعا ارنالعان 1 828 ءۇيدىڭ قۇرىلىسى جۇرگىزىلۋدە,دەپ حابارلايدى astana-akshamy.kz.
پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا سۋ تاسقىنىنان زارداپ شەككەن وڭىرلەردەگى جوندەۋ-قالپىنا كەلتىرۋ جۇمىستارىنىڭ بارىسى قارالدى. قازىرگى كەزدەگى جاعداي تۋرالى ونەركاسىپ جانە قۇرىلىس ءمينيسترى قانات شارلاپاەۆ باياندادى.
قازاقستاندا سۋ تاسقىنى سالدارىنان 18 005 جىلجىمايتىن مۇلىك نىسانى زارداپ شەككەن دەپ تانىلدى. ولاردىڭ 17 295-دە ساراپتاما ناتيجەسى بار. ءبىر اپتا ىشىندە رەسىمدەلگەن قورىتىندىلاردىڭ ارتۋى 1 375 قۇرادى. 2 245 نىساننىڭ قۇرىلىسىن جۇرگىزۋ, جىلجىمايتىن مۇلىك نارىعىنان 5 235 ءۇي مەن پاتەر ساتىپ الۋ, 9 819 تۇرعىن ءۇيدى جوندەۋ جوسپارلانعان.
• ونەركاسىپ جانە قۇرىلىس ءمينيسترى قانات شارلاپاەۆ بايانداعانداي, تج سالدارىنان باسپاناسىنان ايىرىلعان ازاماتتارعا تۇرعىن ءۇي بەرۋ قاعيداسىنا تۇزەتۋلەر ەنگىزىلۋىنە بايلانىستى بقو-دا تۇرعىن ءۇي سانى 4 042-دەن 6 061-گە دەيىن ءوستى.
بۇگىنگى تاڭدا ەلىمىزدە 1 828 ۇيدىڭ قۇرىلىسى باستالدى, بۇل 81%-دى قۇرايدى. بۇل رەتتە بقو مەن اقمولا وبلىسىندا قۇرىلىس جۇمىسى مەن جۇمىلدىرۋدىڭ تومەن قارقىنى ورىن الۋدا. اقتوبە وبلىسى مەن بقو-دا ءالى كۇنگە دەيىن 2 122 ۇي سۋ استىندا قالىپ وتىر. تك قورىتىندىلارىنىڭ جوقتىعىنا قاراماستان, مەنشىك يەلەرى ءۇشىن تۇرعىن ءۇي سالۋ جانە ساتىپ الۋ بويىنشا شارالار قابىلدانۋدا.
جىلجىمايتىن مۇلكى جارامسىز دەپ تانىلعان قازاقستاندىقتار ءۇشىن 1 943 نىسان ساتىپ الىندى. بۇگىنگى تاڭدا 1 772 ءۇيدىڭ يەلەرى تولەم الدى.
احۋالدىق ورتالىق جانە ەڭبەك رەسۋرستارىن دامىتۋ ورتالىعى بارلىق كەزەڭدەردە eGov جانە «الەۋمەتتىك كومەك» ااج ارقىلى ازاماتتاردان وتىنىشتەردى قابىلداۋ جانە وڭدەۋ پروتسەسىن باقىلايدى. تسيفرلاندىرۋ ەسەبىنەن ىسكە اسىرۋ كەزەڭدەرى بولىنىسىندە مونيتورينگ قامتاماسىز ەتىلدى.
ءار وڭىردەگى جاپپاي قۇرىلىس الاڭدارىندا تاۋلىك بويى ونلاين قولجەتىمدىلىگى بار 52 كامەرا ورنالاستىرىلعان. الداعى اپتادا اقتوبە وبلىسىندا قوسىمشا 6 كامەرا قوسىلادى.
