بۇل تۇجىرىمعا كەلۋىمىزگە حالقىمىزدىڭ جىلدار بويى جيناقتاعان تاجىريبەسى مەن ءومىردىڭ وزىنەن الىنعان بالا تاربيەسىندەگى وتباسى تاربيەسىنىڭ ماڭىزى مەن سالماعى سەبەپشى بولسا كەرەك. وتباسى تاربيەسى ءار زاماننىڭ تالابىنا ساي وزگەرگەنى بولماسا, مازمۇنى سول قالپىندا.
ءبىزدىڭ زامانىمىزداعى Z ۇرپاقتى تاربيەلەۋ, ءۇش قوعامنىڭ (ورتا, اتا-انا, مەكتەپ) باسىن قوسىپ, ۇرپاق بويىنداعى قۇندىلىقتاردى ساقتاپ قالۋ ماسەلەسى الاڭداتادى. قازىرگى مەكتەپ جاسىنداعى جاسوسپىرىمدەردىڭ بويىنداعى جاعىمدى قاسيەتتەردى قالىپتاستىرا الىپ جاتىرمىز با؟ ءوز ەلىنىڭ قۇندىلىقتارىن قۇرمەتتەيتىن سانالى ۇرپاق قالىپتاستىرا الىپ جاتىرمىز با؟ بۇل – بالا تاربيەلەپ وتىرعان ءاربىر ۇستازدىڭ كوكەيىندەگى سۇراق.
دانىشپان ءابۋ ناسىر ءال-فارابي: «تاربيەسىز بەرگەن ءبىلىم – ادامزاتتىڭ قاس جاۋى» دەپ ءسوزدىڭ توبىقتاي ءتۇيىنىن ايتىپ كەتكەن. وسى باعىتتا استاناداعى №32 مەكتەپ-گيمنازياسى «وتباسى اكادەمياسى – ساپالى ءبىلىم كەپىلى» اتتى قالالىق ءىس-شارا وتكىزدى.
مەكتەبىمىزدە دايىندىق جۇمىستارى ءجۇرىپ, ءار قاباتقا قولونەر, روبوتوتەحنيكا, عىلىمي جوبالار, ۇلتتىق قۇندىلىقتار تاقىرىبىنداعى فوتوگالەرەيا, تاعى باسقا كورمەلەر قويىلىپ, كەلگەن قوناقتاردى دومبىرانىڭ كۇمبىرلەگەن ۇنىمەن, دومبىرا ۇيىرمەسىنىڭ شاكىرتتەرىنەن قۇرالعان وركەسترمەن قارسى الدىق.
ءىس-شاراعا قاتىسۋشىلار باننەر جانىندا ەستەلىككە فوتوعا ءتۇسىپ, كورمەنى تاماشالادى. سەمينار-پراكتيكۋم مەكتەپ پەن اتا-انالاردىڭ جەكە تۇلعانى وقىتىپ تاربيەلەۋدەگى ىنتىماقتاستىعىن نىعايتۋ بويىنشا پراكتيكالىق تاجىريبە الماسۋدى ماقسات ەتتى. ءىس-شاراعا قاتىسقان اقىن, قازاقستان جازۋشىلار وداعىنىڭ مۇشەسى اكىم ىسقاق, «وتباسى حرەستوماتياسى» جوباسىنىڭ اۆتورى, شىعىستانۋشى, اعارتۋشى سانجار كەرىمباي, رەسپۋبليكالىق اكەلەر كەڭەسىنىڭ توراعاسى ماقسۇتبەك ايتماعانبەت, فيلولوگيا عىلىمدارىنىڭ دوكتورى, الماتى قالاسىنداعى ءال-فارابي اتىنداعى قازۇۋ-دىڭ دوتسەنتى التىناي تىمبولوۆا, استانا قالاسى ءبىلىم باسقارماسىنىڭ جالپى ورتا ءبىلىم بەرۋدىڭ مازمۇنى مەن ادىستەمەسى ءبولىمىنىڭ مەڭگەرۋشىسى ا.امانكەلديەۆا, ادىستەمەلىك ورتالىعى باسشىسىنىڭ ورىنباسارى ج.اميرعاليەۆ پلەنارلىق وتىرىستا ءوز ويلارىن ورتاعا سالىپ, وتباسى تاربيەسىندە بالانىڭ ءبىلىم الۋعا, وقۋعا دەگەن ىنتاسىن جەتىلدىرۋ جولدارى بويىنشا پىكىرلەرىمەن ءبولىستى. «ۇلتتىق ونەگە» اتتى تاربيە جۇمىسى بويىنشا مەكتەپ ديرەكتورىنىڭ ورىنباسارى ب.شالاحاەۆ ۇيىمداستىرعان اكەلەر كەڭەسىندە اكىم ىسقاق, سانجار كەرىمباي, سەيىلبەك مىرزاباي – «وتباسى حرەستوماتياسى» قوعامدىق قورىنىڭ ساراپشىسى, اۆتورى, پسيحولوگپەن اكە مەن ەر بالالار اراسىنداعى بايلانىس, ولاردىڭ اراسىنداعى پروبلەمالار ايتىلىپ, ونىڭ شەشۋ جولدارى ورتاعا سالىندى, ەر بالا تاربيەسىندە, اكەنىڭ ءرولى, قازىرگى ۋاقىتتاعى جالپى وتباسىنىڭ ماسەلەلەرى بالا ءومىرىنىڭ قالىپتاسۋ دىڭگەگى ەكەنى باستى نازارعا الىنىپ, تاربيەنىڭ تۇپكى قالىپتاسۋى ماڭىزدى ەكەنى جايىندا اشىق ايتىلدى.
تاربيە جۇمىسى بويىنشا ديرەكتور ورىنباسارى ز.سادىقوۆانىڭ ۇيىمداستىرۋىمەن «انالار مەكتەبىنىڭ» جۇمىسى بارىسىندا التىناي تىمبولوۆا تاريحشى-ەتنولوگپەن, «قارا شاڭىراق» قوعامدىق بىرلەستىگىنىڭ ديرەكتورى تۇرار شاكەنمەن, كوپتى كورگەن قاريا – «اق اجەلەر» كەڭەسىنىڭ ءتورايىمى ساليما ەرمەكبايقىزى اجەمىزبەن توپتاردا جەكە جۇمىس جاساپ, كەلەلى كەڭەستەر, تىڭ اقپاراتتار الىنىپ, ماڭىزدى ويلار ورتادا تالقىلاندى. وندا قىز بالا, ۇل تاربيەسىنە نە جەتىسپەيدى, ءار انا, ءار اكە ءوز بالاسىنا جەتكىلىكتى كوڭىل بولە مە, مەكتەپ تاراپىنان جۇرگىزىلىپ جاتقان جۇمىستاردىڭ اسەرى قانشالىقتى؟ وسى تاقىرىپ توڭىرەگىندە اقىلداسا وتىرىپ, سەمينارعا قاتىسۋشىلار «قىز بالاعا وسيەت», «قىز بالاعا ارنالعان جادناما», سونىمەن قاتار «اتا-انالار جينالىسىنىڭ ازىرلەمەسىن» دايىنداپ شىقتى.
ترەنەر ءا.ابداكاباەۆا ىزگىلىك پەداگوگيكاسىنىڭ قاعيدالارى تۋرالى شەبەرلىك سىنىپتارىن وتكىزىپ, بلوگەر دينارا بەكيباەۆا جاپپاي وقىتۋ جايلى تاربيە قاعيدالارى تۋرالى وزدەرىنىڭ جەكە تاجىريبەسىمەن ءبولىستى, كوۋچينگ وتكىزدى.
ءبىز ءۇشىن مەكتەبىمىزگە كەلگەن قوناقتاردىڭ وي-پىكىرى, العان اسەرى, كەرى بايلانىسى وتە ماڭىزدى, سوعان قاراپ سەميناردىڭ ءوتۋ دارەجەسىن باعالاۋعا بولادى. سەمينار جۇمىسىن مەكتەپ پسيحولوگى ولگا ابراموۆا مەن الەۋمەتتىك پەداگوگ نادەجدا مامەدوۆا پەداگوگتار ءۇشىن دە, وقۋشى, اتا-انالار ءۇشىن دە وتە قىزىقتى, تارتىمدى «پسيحولوگيا ساعاتى» تاقىرىبىندا ترەنينگ وتكىزدى. سەميناردىڭ جۇمىسىن قورىتىندىلاعان مەكتەپ ديرەكتورى گۇلشات بايتاس كەلگەن قوناقتارعا وقۋ ورداسى اتىنان العىسىن ءبىلدىردى.
زامزاگۇل سادىقوۆا,
№32 مەكتەپ-گيمنازياسى ديرەكتورىنىڭ تاربيە جۇمىسى جونىندەگى
ورىنباسارى
