ەلوردالىق جاستار ساياساتى ماسەلەلەرى باسقارماسىنىڭ قولداۋىمەن «استانا جاستارى» جرو» كمم ۆەيپتەرگە قارسى كۇرەستە «تاۋەلدىلىكتى سپورتقا ايىرباستا» اكتسياسىن وتكىزدى, دەپ حابارلايدى astana-akshamy.kz.
اكتسيانىڭ نەگىزگى ماقساتى – ەلوردا تۇرعىندارىنىڭ ۆەيپقا تاۋەلدى دەڭگەيىن تومەندەتۋ.
«استانا جاستارى» مامانى سۇلتان ۋمۋرگاليەۆتىڭ ايتۋىنشا, اكتسيانى قازاقستاندىق بەلگىلى بوكسشىلار, بالۋاندار مەن ۆەلوشاباندوزدار قولدادى. ولار سپورتپەن شۇعىلدانۋدىڭ ماڭىزدىلىعىن كورسەتىپ, جامان ادەتتەردەن ارىلىپ, سپورت پەن سالاۋاتتى ءومىر سالتىنا نازار اۋدارۋ كەرەك ەكەنىن ءتۇسىندىردى.
«ءبىز اكتسيانى اۋدان اكىمدىكتەرىمەن بىرلەسىپ وتكىزەمىز, بۇگىن ءبىزدىڭ اكتسيا بايقوڭىر اۋدانىندا وتكىزىلۋدە. مۇنداي ءىس-شارالار كەزىندە ءبىز قالانىڭ ساياباقتارى مەن گۇلزارلارىنا بارامىز, وندا ادەتتە جاستار بوس ۋاقىتتارىن وتكىزگەندى ۇناتادى. ەگەر ءبىز بىرەۋدىڭ ەلەكتروندى تەمەكى شەگەتىنىن كورسەك, ونىڭ زياندى ەكەنىن جانە جاتتىعۋدىڭ الدەقايدا پايدالى ەكەنىن تۇسىندىرەمىز. ۆەيپتاردىڭ ورنىنا ءبىز بالالارعا بوكس قولعاپتارى مەن دۋلىعا, تەننيس راكەتكالارى جانە ت.ب. بەرەمىز. ءبىزدىڭ جۇمىسىمىز ءوز جەمىسىن بەرە باستادى, سىزدەر بايقاعانىڭىزداي, ەلەكتروندى تەمەكى شەگەتىن بالالار از جانە ءبىز بۇعان وتە قۋانىشتىمىز», – دەپ ءبولىستى سۇلتان ۋمۋرگاليەۆ.
ەركىن كۇرەستەن قازاقستان چەمپيونى, ازيا چەمپيونى, الەم بىرىنشىلىگىنىڭ قولا جۇلدەگەرى ابزال وكەنوۆ وسىنداي پايدالى اكتسياعا قاتىسقانىنا قۋانىشتى ەكەنىن اتاپ ءوتتى.
«جاستارعا سپورتپەن شۇعىلدانۋ دەنساۋلىقتى نىعايتادى, دەنە شىنىقتىرۋدى جاقسارتادى, وزىنە دەگەن سەنىمدىلىكتى ارتتىرۋعا كومەكتەسەدى», – دەدى بەلگىلى سپورتشى.
اكتسيا بايقوڭىر اۋدانى اكىمىنىڭ اپپاراتىمەن جانە دەنە شىنىقتىرۋ جانە سپورت باسقارماسىمەن بىرلەسىپ وتكىزىلۋدە.
