تاشكەنتتە شىعاتىن قازاق ءتىلدى «نۇرلى جول» گازەتىنىڭ جارىققا شىعا باستاعانىنا 33 جىل تولدى.
كورشى ەلدەگى قانداستارىمىز ءۇشىن ۇزبەي اقپارات تاراتىپ كەلە جاتقان رەسپۋبليكالىق باسىلىم وزبەكستان ولي ءماجىلىسى مەن ۇكىمەتىنىڭ قولداۋىمەن شىعادى. ساياسي-الەۋمەتتىك ماسەلەلەردەن باستاپ اۋىل ازاماتتارىنىڭ ءومىرى جايلى دا ماقالالار ۇزدىكسىز بەرىلىپ وتىراتىن گازەت اپتاسىنا ەكى رەت 5 مىڭ تارالىممەن جارىق كورەدى.
«دوستىق تۋى» دەگەن اتاۋمەن 1991 جىلدىڭ 10 قاڭتارىندا جارىق كورگەن گازەتتىڭ العاشقى بىرنەشە سانى شىمكەنتتەگى باسپاحانادا باسىلعان. ارادا ەكى جىل وتكەندە اتاۋى «نۇرلى جول» دەپ وزگەرگەن باسىلىم, نەگىزىنەن, ەلدىڭ ساياسي ءومىرىن, الەۋمەتتىڭ جايىن, وزبەكستانداعى قازاق دياسپوراسىنىڭ تىنىس-تىرشىلىگىن نازاردا ۇستايدى.
«قازاقستانمەن بايلانىسىمىز جاقسى. «وتانداستار» قورى بويىنشا كوپ ماتەريال شىعادى. «ەگەمەن قازاقستان», «استانا اقشامى» گازەتتەرىمەن شىعارماشىلىق بايلانىس ۇستايمىز» دەيدى قازاقستان رەسپۋبليكاسى پرەزيدەنتىنىڭ العىس حاتىمەن ماراپاتتالعان «نۇرلى جول» گازەتىنىڭ باس رەداكتورى عۇلامزاكىر يۋسۋپوۆ.
بۇگىنگى تاڭدا «نۇرلى جول» گازەتىندە 20-عا جۋىق قىزمەتكەر ەڭبەك ەتەدى. ولاردىڭ قاتارىندا قازاقستاننىڭ جوعارى وقۋ ورىندارىندا وقىعان جۋرناليستەر دە بار. گازەت رەداكتسياسى تاشكەنتتىڭ ورتالىعىنداعى ءباسپاسوز ۇيىندە ورنالاسقان.
