مەملەكەت باسشىسى قاسىم-جومارت توقاەۆتىڭ تاپسىرماسىمەن ەلىمىزدە «تازا قازاقستان» اكتسياسى وتكەنى بەلگىلى. ءاۋ باستا اكتسيا بەلگىلى ءبىر ۋاقىتپەن شەكتەلىپ قالماي, جىل بويى جالعاسسىن تاپسا دەگەن ۇسىنىس ايتىلعان-دى. مۇنى قاپەرىنە العان استانا قالاسىنىڭ اكىمدىگى «تازا استانا» الەۋمەتتىك جوباسىن قولعا الىپ, ەلوردالىقتاردى جوباعا بەلسەندى اتسالىسۋعا شاقىرىپ وتىر.
جوبانىڭ ماقساتى قانداي؟ نەگە باسىمدىق بەرىلەدى؟ وسى جانە وزگە ساۋالدارعا جاۋاپ ىزدەگەندەرگە «وركەن قالا» جشس وكىلدەرى ارنايى جيىن ۇيىمداستىردى. ءىس-شاراعا تۇرعىن ۇيگە قىزمەت كورسەتەتىن ۇيىمداردىڭ باسشىلارى, ميب توراعالارى, تۇرعىن ءۇي ورتالىعىنىڭ جانە اۋدان اكىمدىكتەرىنىڭ بىرقاتار مامانى قاتىستى.
«وركەن قالا» جشس باسشىسىنىڭ ورىنباسارى گۋلۆيرا ابەتوۆا جينالعاندارعا شىرايلى شاھاردى ءاردايىم تازا ۇستاۋ ءۇشىن ءبىر كۇندىك سەنبىلىك جانە ايلىقتار وتكىزۋمەن شەكتەلىپ قالماۋ كەرەك ەكەنىن جەتكىزدى.
«تازا استانا» جوباسىنا ەرىكتىلەردى, قوعام بەلسەندىلەرىن, دەپۋتاتتاردى تارتۋ كوزدەلىپ وتىر. ارينە, قاراپايىم تۇرعىندار دا قالىس قالماۋى ماڭىزدى. سەبەبى, ماقسات ورتاق. ەلوردانىڭ تازالىعىنا ءار تۇرعىن الاڭداۋعا ءتيىس. بۇل رەتتە, تۇرعىندارمەن قارىم-قاتىناس ورناتۋدا تۇرعىن ۇيلەرگە قىزمەت كورسەتەتىن ۇيىمداردىڭ وكىلدەرى بەلسەندى بولۋى كەرەك. وسىلايشا, جىل بويى اباتتاندىرۋ, كوگالداندىرۋ, تازالاۋ جۇمىستارى جۇيەلى جۇرگىزىلەدى دەگەن سەنىمدەمىن», – دەدى گۋلۆيرا ابەتوۆا.
جوبانىڭ تاعى ءبىر تيىمدىلىگى, كورشىلەردىڭ بىرلىگىن ارتتىرىپ, ءبىر-بىرىمەن باياندى بايلانىس ورناتۋىنا دا سەپتىگىن تيگىزبەك. جاسىراتىنى جوق, كەيبىر تۇرعىندار ءۇيدىڭ تازالعىنا اتسالىسۋ بىلاي تۇرسىن, كورشىلەرىن دە تانىمايدى. مۇنى تۇرعىن ۇيلەرگە قىزمەت كورسەتەتىن ۇيىمداردىڭ وكىلدەرى دە راستاپ وتىر. ولار تۇرعىنداردا ەرىنشەكتىك باسىم ەكەنىن العا تارتىپ, كوندومينۋمنىڭ ورتاق نىساندارىن كۇتىپ-ۇستاۋعا ءاتۇستى قارايتىنىن دا جاسىرمادى. بۇل رەتتە, الەۋمەتتىك جوبا مۇنداي كەلەڭسىزدىكتەردى جويۋعا تۇرتكى بولادى دەپ كۇتىلىپ وتىر.
بەلگىلى بولعانداي, اۋلالارداعى جۇمىستاردىڭ ساپاسىن باقىلاۋ ءۇشىن ارنايى ەكولوگيالىق كوميسسيا قۇرىلماق. ولار اي سايىن «ەڭ ۇزدىك اۋلا», «ەڭ ۇزدىك ۇيىم» سياقتى ۇزدىكتەردىڭ ۇزدىگىن انىقتاپ, تۇرعىنداردى ىنتالاندىرىپ وتىرماق. العىس حاتتار ءوز الدىنا, باعالى سىيلىقتار ۇلەستىرىلەتىنىن اتاپ وتكەن ءجون.
