“تازا قازاقستان” اكتسياسى اياسىندا 17 مىڭنان استام اكىمشىلىك قۇقىق بۇزۋشىلىق انىقتالدى, دەپ حابارلايدى astana-akshamy.kz
اكتسيا اياسىندا استانا قالاسىنىڭ پوليتسيا دەپارتامەنتى قورشاعان ورتانى اباتتاندىرۋ, جالپى پايدالانۋ ورىندارىن لاستاۋ ەرەجەلەرىن بۇزۋدىڭ الدىن الۋ بويىنشا ءىس-شارالاردى جۇيەلى تۇردە جۇرگىزىپ جاتىر.
اتاپ ايتقاندا اكتسيا باستالعالى پوليتسەيلەر 17 مىڭعا جۋىق اكىمشىلىك قۇقىق بۇزۋشىلىقتى انىقتاعان. ونىڭ ىشىندە اباتتاندىرۋ ەرەجەلەرىن بۇزۋ – 7 007, قوعامدىق ورىنداردى لاستاۋ – 3 695, جولدىڭ ءجۇرۋ بولىگىن لاستاۋ – 533, توگىلەتىن جۇكتەردى ارنايى ىدىسسىز تاسىمالداۋ, وقىلمايتىن مەملەكەتتىك تىركەۋ نومىرلەرى – 5 780 بولعان.
ءىس-شارانىڭ ماقساتى – قوعامدا كەز كەلگەن زاڭ بۇزۋشىلىقتارعا “مۇلدەم توزبەۋشىلىكتى” قالىپتاستىرۋ.
رۇقسات ەتىلمەگەن ۇيىندىلەردىڭ پايدا بولۋىنا بەيىم ورىنداردا كۇندەلىكتى رەيدتەر جۇرگىزىلىپ, بەلگىسىز ورىندارعا قوقىس تۇسىرەتىن جانە اعىندى سۋلاردى اعىزاتىن تۇلعالاردى انىقتاۋ بويىنشا ماقساتتى جۇمىستار جاسالىپ جاتىر. جىل باسىنان بەرى قوقىس تۇسىرگەن 144 جۇرگىزۋشى جاۋاپكەرشىلىككە تارتىلعان.
استانا قالالىق پوليتسيا دەپارتامەنتى بارشا قالا تۇرعىندارىن قورشاعان ورتاعا نەمقۇرايلى قاراماۋعا, ەلوردانى كوركەيتۋگە ءوز ۇلەستەرىن قوسۋعا شاقىرادى. بەلگىسىز ورىندارعا قوقىس توگۋ, قۇرىلىس نەمەسە باسقا دا قالدىقتاردى ساقتاعانداردى كورگەن بولساڭىز, دەرەۋ 102 ارناسىنا حابارلاڭىز.
