«تازا قازاقستان»: ەلوردا تۇرعىندارىن ەكولوگيالىق تازالىققا اتسالىسۋعا شاقىردى
«تازا قازاقستان» ەكواكتسياسى اياسىندا جاستار ەڭبەك جاساعى ەلوردا تۇرعىندارىن ەكولوگيالىق تازالىققا اتسالىسۋعا شاقىردى, دەپ حابارلايدى astana-akshamy.kz
«جاسىل ەل» بەلسەندىلەرى ەلوردا تۇرعىندارىن «تازا قازاقستان. استانا – تازالىق پەن ءتارتىپتىڭ ۇلگىسى» اكتسياسىنا قاتىسۋعا شاقىرا وتىرىپ, تەپلوحودقا جالاۋلار ءىلىپ قويدى.
كەزەكتى ەكولوگيالىق اكتسيا سارىارقا اۋدانىنىڭ اۋماعىندا ءوتتى. وعان «جاسىل ەل» جاستار ەڭبەك جاساعىنىڭ بەلسەندىلەرى قاتىستى.
«بۇعان دەيىن «جاسىل ەل» ەڭبەك جاساقتارى ەسىل وزەنىنىڭ جاعاسىن تازارتتى. اكتسيانىڭ جالعاسى رەتىندە قالا جاستارىمەن بىرلەسىپ, تەپلوحودقا جالاۋشالار ءىلىپ, ەلوردا تۇرعىندارى مەن قوناقتارىن ەكولوگيالىق تازالىققا قاتىسۋعا شاقىرامىز. جاس ۇرپاققا تابيعاتتى قورعاۋ جانە ءتارتىپتى ساقتاۋ قاجەت ەكەنىن ءتۇسىندىرۋ قاجەت», – دەدى استانا ءماسليحاتىنىڭ دەپۋتاتى ارسلانبەك ماعزۇم.
ايتا كەتۋ كەرەك, ەكواكتسيالار قالانىڭ بارلىق اۋدانىندا تۇراقتى تۇردە وتكىزىلىپ تۇرادى. بەلسەندىلەردىڭ ءبىرى بۇل اكتسيا تاربيەلىك سيپاتقا يە ەكەنىن اتاپ ءوتتى.
«مەن ءۇش جىل بويى بەلسەندى قىزمەتپەن اينالىستىم. بۇگىنگى تاڭدا ەلوردانىڭ جاس تۇرعىنى رەتىندە شەت قالعان جوقپىر جانە اۋقىمدى ەكولوگيالىق اكتسيانى ءوز تاراپىمنان قولدادىم. ەلىمىزدىڭ بارلىق ازاماتىن ءىس-شاراعا قاتىسۋعا شاقىرعىم كەلەدى, ويتكەنى اكتسيا تاربيەلىك ماڭىزى زور», – دەدى «جاستار رۋحى» جاستار قاناتىنىڭ بەلسەندىسى ديدار قۇرمان.
