ەلوردادا «تازا قازاقستان. استانا – تازالىق پەن ءتارتىپتىڭ ۇلگىسى» اۋقىمدى ەكولوگيالىق اكتسيا اسىندا جاڭا «تازا استانا» الەۋمەتتىك جوباسى ىسكە قوسىلدى, دەپ حابارلايدى astana-akshamy.kz
تۇرعىن ءۇي ورتالىعى قالا تۇرعىندارىنا جوبانى تانىستىرۋ بويىنشا كەزدەسۋلەر وتكىزۋدى باستايدى.
27 ماۋسىم كۇنى ساعات 16:00-دە رەسپۋبليكا داڭعىلى, 32 مەكەنجايى بويىنشا «تازا استانا» جاڭا الەۋمەتتىك جوباسىمەن العاشقى تانىسۋ كەزدەسۋى وتەدى.
جوبانى ىسكە اسىرۋ اياسىندا تۇرعىندارعا قالاعا دەگەن كوزقاراستى تۇتىنۋشىنىڭ كوزىمەن عانا ەمەس, سول سياقتى جاقسارتۋ ءۇشىن دامىتۋدى جالعاستىرۋ ۇسىنىلادى.
كەزدەسۋگە باسقارۋشىلار, ميب/پيك توراعالارى, سەرۆيس سۋبەكتىلەرى شاقىرىلادى.
«تازا استانا» جوباسىنىڭ ماقساتى – ءاربىر اۋلادا تازالىق پەن تارتىپكە سانالى, ادال كوزقاراس قالىپتاستىرۋ.
جوبا اياسىندا ارنايى قۇرىلعان ەكولوگيالىق كوميسسيا توقسان سايىن «ەڭ تازا اۋلا», «ەڭ ۇزدىك كاسىپورىن», «ەڭ ۇزدىك مەكەمە» اتاقتارىن بەلگىلەيدى.
كوميسسياعا استانا قوعامدىق كەڭەسىنىڭ وكىلدەرى, پىكىر كوشباسشىلارى, ءماسليحات دەپۋتاتتارى, اتامەكەن وكپ سالالىق كەڭەستەرىنىڭ, سالالىق قاۋىمداستىقتاردىڭ, مۇگەدەكتەر, ارداگەرلەر قوعامداستىق بىرلەستىكتەرىنىڭ وكىلدەرى, ەكولوگتار جانە ت.ب. كىرەدى.
ەستەرىڭىزگە سالا كەتەيىك, استانادا «تازا قازاقستان. استانا – تازالىق پەن ءتارتىپتىڭ ۇلگىسى» اكتسياسى ءوتىپ جاتىر, ول ءساۋىر ايىنان باستاۋ الدى. وعان قالا تۇرعىندارى, ەڭبەك ۇجىمدارى, مەملەكەتتىك ورگانداردىڭ قىزمەتكەرلەرى, شاعىن جانە ورتا بيزنەس سۋبەكتىلەرى (بازارلار, ساۋدا ويىن-ساۋىق ورتالىقتارى, كافەلەر, مەيرامحانالار جانە ت.ب.), ەرىكتىلەر, وقۋشىلار مەن ستۋدەنتتەر, ميب (پيك) جانە باسقالار قاتىسادى.
ەكواكتسيا اياسىندا قالانى, نوسەر جانە ارىق كارىز جەلىلەرىن سانيتارلىق تازارتۋ, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇرگىزىلەدى. سونداي-اق, جاسىل جەلەكتەردى كۇتىپ-باپتاۋ جانە وتىرعىزۋ بويىنشا ماۋسىمدىق اگروتەحنيكالىق جۇمىستار, ساۋدا وبەكتىلەرىنە ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ بويىنشا ءىس-شارالار, رۇقسات ەتىلمەگەن پوليگونداردى جويۋ جۇرگىزىلىپ جاتىر.
