مەملەكەت باسشىسىنىڭ تاپسىرماسى بويىنشا 6 ءساۋىر مەن 11 مامىر ارالىعىندا سۋ تاسقىنى بولماعان وڭىرلەردە «تازا قازاقستان» رەسپۋبليكالىق ەكولوگيالىق اكتسياسى ءوتتى, دەپ حابارلايدى astana-akshamy.kz.
اتالعان باستامانى قولداۋ ماقساتىندا اپتا سايىن «تازا ولكە», «كيەلى مەكەن», «جاسىل ايماق», «ونەگەلى ۇرپاق» جانە «ءمولدىر بۇلاق» اتتى شارالار ۇيىمداستىرىلىپ, ەلدى مەكەندەردىڭ اۋماقتارىن كوگالداندىرۋ, سانيتاريالىق تازالاۋ جانە اباتتاندىرۋ جۇمىستارى جۇرگىزىلدى.
جەرگىلىكتى اتقارۋشى ورگانداردىڭ مالىمەتتەرى بويىنشا اكتسياعا 2,4 ميلليونعا جۋىق ادام, سونىڭ ىشىندە ەرىكتىلەر, قوعام قايراتكەرلەرى, بيۋدجەتتىك ۇيىمداردىڭ قىزمەتكەرلەرى مەن كاسىپكەرلەر قاتىستى. جۇزدەگەن مىڭ اۋلا مەن 20 مىڭنان استام الەۋمەتتىك نىساننىڭ اۋماعى تازارتىلدى, 900 مىڭ توننادان استام قوقىس شىعارىلدى, شامامەن 2,5 ميلليون كوشەت وتىرعىزىلدى. 4,6 مىڭنان استام قوعامدىق ورىندار, ساياباقتار, شاعىن باقتار اباتتاندىرىلدى. شامامەن 300 مىڭ شارشى مەتر كوشە-جول جابىنى (پليتكا, كەسپە تاس جانە ت.ب.) جوندەلدى جانە اۋىستىرىلدى. 5 مىڭنان استام تاريحي-مادەني نىسان جانە 758 سۋبۇرقاق رەتكە كەلتىرىلدى.
اتالعان ءىس-شاراعا 40 مىڭنان استام ارنايى تەحنيكا تارتىلدى.
