تولاعاي الىپتار سايىسىنىڭ كوشپەندىلەر ويىندارىنا ىرىكتەۋى وتەدى
![](https://astana-akshamy.kz/wp-content/uploads/2024/07/8f16b8df769a98ce45531abbb54353fc_1280x720-780x470.jpeg)
ەلوردا اكىمدىگى جانىنداعى ورتالىق الاڭدا 6 شىلدە كۇنى تولاعاي الىپتار سايىسىنىڭ V دۇنيەجۇزىلىك كوشپەندىلەر ويىندارىنا رەسپۋبليكالىق ىرىكتەۋ ءتۋرنيرى وتەدى, دەپ حابارلايدى astana-akshamy.kz
ۇلى دالانىڭ باتىرلارىن, قازاقتىڭ ەتنو-ويىندارىن دارىپتەۋ ماقساتىندا وتكىزىلەتىن تۋرنيردە ەلىمىزدىڭ ءار وڭىرىنەن ىرىكتەلگەن الىپ دەنەلى سپورتشىلار باق سىنايدى.
بىلەكتى سپورتشىلار سايىستىڭ 5 ءتۇرى بويىنشا, ياعني 1,5 م ۇزىندىقتاعى تەمىردى مويىنعا سالىپ مايىستىرۋ, سالماعى 100 كەلىلىك تاستى مەجەلى قاشىقتىققا دەيىن اپارۋ, 130 كەلى اۋىر بورەنەنى جەلكەگە سالىپ وتىرىپ-تۇرۋ, 200 كەلىلىك جۇك ارتىلعان اربانى سۇيرەۋ, ون كەلىلىك نايزانى قاشىقتىققا لاقتىرۋ سياقتى ەرەكشە سايىس تۇرلەرى بويىنشا سىنعا تۇسەدى.
ۇيىمداستىرۋشىلاردىڭ ايتۋىنشا, ءىس-شارا قىركۇيەك ايىندا وتەتىن V دۇنيەجۇزىلىك كوشپەندىلەر ويىندارىندا ەل نامىسىن قورعايتىن بىلەكتى باتىرلاردى انىقتاۋ بولىپ سانالادى. ياعني, بەس سايىستىڭ قورىتىندىسى بويىنشا انىقتالعان ۇزدىكتەر الداعى كوشپەندىلەر ويىندارىندا باق سىنايدى.
جارىستىڭ اشىلۋ سالتاناتى 6 شىلدە كۇنى ساعات 16.00-دە باستالادى.
ايتا كەتسەك, جالپى جۇلدە قورى ەكى ميلليون تەڭگەنى قۇرايتىن رەسپۋبليكالىق تۋرنير استانا قالاسى اكىمدىگىنىڭ قولداۋىمەن ۇيىمداستىرىلادى.