استانا قالاسىنداعى قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىندا تۇرىكمەنستان ونەرپازدارىنىڭ گالا-كونتسەرتى ءوتتى, دەپ حابارلايدى astana-akshamy.kz
ساحنادا تۇرىكمەنستاننىڭ حالىق ارتىستەرى, ەڭبەك سىڭىرگەن قايراتكەرلەرى, سونداي-اق رەسپۋبليكالىق جانە حالىقتىق بايقاۋلاردىڭ جەڭىمپازدارى ونەر كورسەتتى. ولار تانىمال ەسترادالىق اندەر مەن حالىق كومپوزيتورلارىنىڭ شىعارمالارىن ورىندادى.
سالتاناتتى شاراعا مەملەكەتتىك ورگاندار, شىعارماشىلىق جانە عىلىم سالاسىنداعى زيالى قاۋىم وكىلدەرى, ەكى ەلدىڭ قوعام قايراتكەرلەرى قاتىستى.
مادەنيەت جانە اقپارات ۆيتسە-ءمينيسترى ەربول الىقۇلوۆ ءوز سوزىندە مادەني-گۋمانيتارلىق ىنتىماقتاستىق ەكى ەل اراسىنداعى بايلانىستىرۋشى كوپىر ەكەنىن جانە دوستىق پەن تاتۋ كورشىلىكتىڭ عاسىرلار بويعى بايلانىسىن ساقتاۋعا ىقپال ەتەتىنىن اتاپ ءوتتى.
كونتسەرت اياسىندا تەاتر فويەسىندە تۇرىكمەنستاننىڭ حالىقتىق قولدانبالى ونەرى مەن مۇراجايىنداعى قۇندى جادىگەرلەر كورمەسى ءوتتى.
ايتا كەتەيىك, ءىس-شارا قازاقستانداعى تۇرىكمەنستاننىڭ مادەنيەت كۇندەرى اياسىندا ءوتتى.
