قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىندا تۇرىكمەنستاننىڭ قازاقستانداعى مادەنيەت كۇندەرىنىڭ جابىلۋى اياسىندا ەكى ەل ونەرپازدارىنىڭ قاتىسۋىمەن گالا-كونتسەرت ءوتتى, دەپ حابارلايدى astana-akshamy.kz
ءىس-شاراعا قر مادەنيەت جانە اقپارات ءمينيسترى ايدا بالاەۆا, شىعارماشىلىق جانە عىلىم سالاسىنىڭ زيالى قاۋىم وكىلدەرى, ەكى ەلدىڭ قوعام قايراتكەرلەرى قاتىستى.
مەرەكەلىك كونتسەرتتە قازاقستان مەن تۇرىكمەنستاننىڭ حالىق ارتىستەرى مەن ەڭبەك سىڭىرگەن قايراتكەرلەرى, سونداي-اق رەسپۋبليكالىق جانە حالىقتىق بايقاۋلاردىڭ جەڭىمپازدارى ونەر كورسەتتى.
شىعارماشىلىق ۇجىمدار تانىمال ەسترادالىق اندەر مەن حالىق كومپوزيتورلارىنىڭ شىعارمالارىن ورىندادى.
ەستەرىڭىزگە سالا كەتەيىك, 24-27 ماۋسىم ارالىعىندا استانادا تۇرىكمەنستاننىڭ مادەنيەت كۇندەرى ءوتتى. ءىس-شارا اياسىندا ەلوردا تۇرعىندارى مەن قوناقتارى تۇرىكمەنستان رەسپۋبليكاسى مادەنيەت قايراتكەرلەرىنىڭ كورمەلەرىن, فيلمدەرىن, سپەكتاكلدەرىن, سونداي-اق شىعارماشىلىق قويىلىمدارىن تاماشالادى.
