تۇران داڭعىلى بويىنشا قوزعالىستى ۇيىمداستىرۋ ۋاقىتشا وزگەردى, دەپ حابارلايدى astana-akshamy.kz
استانا قالاسى كولىك جانە جول-كولىك ينفراقۇرىلىمىن دامىتۋ باسقارماسىنىڭ مالىمەتىنشە, بۇقار جىراۋ كوشەسىنەن ۇلى دالا داڭعىلىنا دەيىنگى ۋچاسكەدە تۇران داڭعىلىنىڭ بويىنداعى بۇرىن جابىلعان ۋچاسكە, سونداي-اق ۇلى دالا داڭعىلىنان حۋسەين بەن تالال كوشەسىنە دەيىنگى ۋچاسكە اۋەجايدان قالاعا قاراي اشىق.
وسى جىلدىڭ 23-25 مامىر ارالىعىندا تۇران داڭعىلىنىڭ ەكىنشى جاعى حۋسەين بەن تالال كوشەسىنەن ۇلى دالا داڭعىلىنا دەيىنگى ۋچاسكەدە قالا جاعىنان اۋەجايعا قاراي جابىلادى.
بۇل رەتتە تۇران داڭعىلى-حۋسەين بەن تالال كوشەسى مەن تۇران داڭعىلى-ۇلى دالا داڭعىلىنىڭ قيىلىسى اشىلادى.
ەلوردا تۇرعىندارى مەن قوناقتارىنان جۇرگىزىلىپ جاتقان جۇمىستارعا تۇسىنىستىكپەن قاراۋدى جانە ءوز باعىتىن الدىن الا جوسپارلاۋدى سۇرايدى.
