جىل باسىنان بەرى تۇتىنۋشىلاردىڭ قۇقىقتارىن قورعاۋ بويىنشا 208 اكىمىشىلىك شارا قولدانىلعان. ونىڭ ىشىندە 175 ادامعا «ەسكەرتۋ» بەرىلسە, 33 ادامعا 2,5 ملن تەڭگەگە ايىپپۇل سالىنعان, دەپ حابارلايدى astana-akshamy.kz
بۇل تۋرالى استانا قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتىنىڭ جارتى جىلدىق جۇمىس قورىتىندىسى تۋرالى بريفينگتە ايتىلدى.
بىلتىرعى 15 ناۋرىزىنان باستاپ «قر اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» قر زاڭى قابىلداندى. وسىعان وراي دەپارتامەنت اكىمشىلىك قۇقىق بۇزۋشىلىق تۋرالى ىستەر بويىنشا ءىس جۇرگىزۋدى جۇزەگە اسىرۋعا مىندەتتى. بۇل تۇتىنۋشىلاردىڭ زاڭدى ۇستانىمدارىن قورعاۋعا مۇمكىندىك بەرەدى.
جىل باسىنان بەرى 208 اكىمىشىلىك شارا قولدانىلعان بولسا, ونىڭ ىشىندە 175 ادامعا «ەسكەرتۋ» بەرىلىپ, 33 ادامعا 2,5 ملن تەڭگەگە ايىپپۇل سالىنعان.
«قىراعى ساتىپ الۋشىلاردىڭ ءوتىنىشى نەگىزىندە 13 كاسىپكەر قر ساۋدا قىزمەتىن رەتتەۋ تۋرالى زاڭناماسىن بۇزعانى ءۇشىن اكىمشىلىك جاۋاپكەرشىلىككە تارتىلعان. قر اكىمشىلىك قۇقىق بۇزۋشىلىق تۋرالى كودەكسىنىنىڭ 193-بابىنىڭ 4-بولىگىمەن شاعىن كاسىپكەرلىك سۋبەكتىلەرىنە – 6, ورتا كاسىپكەرلىك سۋبەكتىلەرىنە – 10, ءىرى كاسىپكەرلىك سۋبەكتىلەرىنە – 30 ايلىق ەسەپتىك كورسەتكىشتە ايىپپۇل سالىنعان. ايىپپۇلدىڭ جالپى سوماسى 354,4 مىڭ تەڭگەنى قۇرادى. ال اكىمشىلىك جازا قولدانىلعاننان كەيىن ءبىر جىلدىڭ ىشىندە قاتالانسا, شاعىن كاسىپكەرلىك سۋبەكتىلەرىنە – 65, ورتا كاسىپكەرلىك سۋبەكتىلەرىنە – 100, ءىرى كاسىپكەرلىك سۋبەكتىلەرىنە – 200 اەك مولشەرىندە ايىپپۇل سالىناتىن بولادى. قازىر دەپارتامەنت وسىنداي 3 ماتەريالدى قاراۋدا», – دەدى استانا قالاسى بويىنشا ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى باسشىسىنىڭ ورىنباسارى عالىمجان يلياسوۆ.
ونىڭ ايتۋىنشا, بيىل تۇتىنۋشىلار تاراپىنان دەپارتامەنتكە 2 477 ءوتىنىش كەلىپ تۇسكەن. «E-otinish» پلاتفورماسى جانە ەلەكتروندىق ۇكىمەت پورتالى ارقىلى – 1 860 وتىنىشپەن جۇگىنگەن. ونىڭ ىشىڭدە 1 274 تۇتىنۋشىعا جاۋاپ بەرىلىپ, 291 ءوتىنىش قۇزىرەتى بويىنشا باسقا مەملەكەتتىك ورگانعا جىبەرىلدى. ال 295 تۇتىنۋشىنىڭ ماسەلەسى شەشىم تاپقان. تۇتىنۋشىلارعا اقشالاي قاراجاتتى قايتارۋ سوماسى – 150 ملن تەڭگەنى قۇرادى. سونداي-اق, «Telegram Bot» ارقىلى 130 ءوتىنىش كەلىپ تۇسكەن. دەپارتامەنت ازاماتتاردى جەكە قابىلداۋ بارىسىندا 265 تۇتىنۋشىنىڭ ماسەلەسىن تىڭداپ, جەدەل جەلى تەلەفونىنا 222 تۇتىنۋشىدان تۇسكەن ءاربىر سۇراققا زاڭعا سايكەس كەڭەستەر بەرگەن.
«سونىمەن قاتار استانا قالاسىنىڭ ساۋدا جانە تۇتىنۋشىلاردىڭ قۇقىقتارىن قورعاۋ دەپارتامەنتى قازاقستانعا كەلىپ جاتقان سوڭعى ۇلگىدەگى شەتەلدىك اۆتوكولىكتەرگە كەلىپ تۇسكەن وتىنىشتەر بويىنشا ءۇشىنشى تۇلعا رەتىندە ازاماتتىق سوتتارعا قاتىسىپ, قۇنى 46,4 ملن تەڭگە سوماسىنداعى 4 اۆتوكولىكتى تۇتىنۋشىلارعا ءوندىرىپ بەرگەن. ساتۋشىنىڭ (دايىنداۋشىنىڭ, ورىنداۋشىنىڭ), تۇتىنۋشىنىڭ قۇقىقتارى مەن زاڭدى مۇددەلەرىنىڭ بۇزىلۋىن جويۋ تۋرالى شاعىمعا 10 كۇنتىزبەلىك كۇن ىشىندە جازباشا جاۋاپ بەرمەگەنى ءۇشىن 66 كاسىپكەر «تۇتىنۋشىلاردىڭ قۇقىقتارىن قورعاۋ تۋرالى» قر زاڭناماسىن بۇزعانى ءۇشىن اكىمشىلىك جاۋاپكەرشىلىككە تارتىلدى. ونىڭ ىشىندە 64 كاسىپكەرگە «ەسكەرتۋ» بەرىلسە, 2 كاسىپكەرگە ايىپپۇل سالىنعان», – دەدى دەپارتامەنت باسشىسىنىڭ ورىنباسارى.
تۇتىنۋشىلاردىڭ قۇقىقتارىن ساقتاۋ جانە ىشكى ساۋدا سالاسىنداعى باقىلاۋ مەملەكەتتىك ورگانداردىڭ, قوعامدىق بىرلەستىكتەردىڭ جانە تۇتىنۋشىلاردىڭ بىرلەسكەن جۇمىسى جاعدايىندا ءتيىمدى جۇزەگە اسادى.
