«اتامەكەن» قازاقستان كارتاسى» ەتنومەموريالدى كەشەنىندە استانا قالاسى اكىمدىگىنە قاراستى ەسىل اۋدانى بويىنشا بەلسەندى ۇزاق ءومىر ءسۇرۋ ورتالىعى ونەر ۇجىمدارىنىڭ «تۋعان جەر اۋەندەرى» اتتى كونتسەرتى ءوتتى.
كونتسەرتتە «اسىل مۇرا» دومبىراشىلار ءانسامبلى, «ساعىنىش سازى» ۇلتتىق ۆوكالدىق انسامبل, «ارقا اۋەندەرى» حالىق ءانسامبلى, «قازىنا» سالت-داستۇرلەردى دارىپتەۋ ءانسامبلى ونەر كورسەتتى. اندەر بولات انەت, راحيلا ابدىكارىموۆا, زاعيپا جاناليەۆا, گۇلشات ءالى, ءشاربات قۇرمانوۆا, جاناربەك ەسكەندىروۆ سىندى ونەرپازداردىڭ ورىنداۋىندا ۇسىنىلدى. سونىمەن قاتار ورتالىقتىڭ قىزمەت الۋشىلارى بەلسەندى اينالىساتىن ايكۇنە, يوگا, تسيگۋن سىندى سپورتتىق جانە ەمدىك جاتتىعۋلار كورسەتىلدى. كۇي اتاسى – قۇرمانعازىنىڭ «بالبىراۋىن» كۇيىمەن اشىلعان كونتسەرتتە ەسكەندىر حاسانعاليەۆتىڭ «اينالدىم, ەلىم», «بوزتورعايىم», مارات وماروۆتىڭ «ارمان قالا – استانا» جانە «كۇن ديدارلى قازاقستان», «قازاقستان – استانا» سەكىلدى وتان, تۋعان جەر تۋرالى اندەرمەن قاتار ليريكالىق تۋىندىلار اۋەلەدى.
