جۋىردا استانا قالاسى ءماسليحاتىنىڭ وتىرىسىندا ەلوردادا ءتۋريزمدى دامىتۋ ماسەلەلەرى قارالادى. سونىڭ قارساڭىندا ءماسليحات توراعاسى ەرلان كاناليموۆ باستاعان ءبىر توپ دەپۋتات باس قالانىڭ تۋريستىك نىساندارىن ارالاپ, بىرنەشە كوشپەلى كەڭەس وتكىزدى.
ءماسليحات توراعاسىنىڭ ايتۋىنشا, دەپۋتاتتار ءوزىن ناعىز تۋريست سەزىنۋ ءۇشىن تۋريستىك اۆتوبۋسقا ءمىندى. ونىڭ مالىمەتىنشە, وتكەن جىلدىڭ قورىتىندىسى بويىنشا ەلوردادا تۋريستەر سانى 2022 جىلمەن سالىستىرعاندا 12%-عا ارتىپ, 1,3 ملن ادامنان استى. ال جالپى باس قالادا 70 ءىرى تۋريستىك نىسان بار. بۇل قاتاردا تەاترلار, مۇراجايلار, ساياباقتار, 2 مىڭنان استام قوعامدىق تاماقتاندىرۋ نىسانى, 2 اقپاراتتىق تۋريستىك دۇڭگىرشەك بار.
«ەلوردا ءتۋريزمىن دامىتۋ ءۇشىن مەديتسينالىق تۋريزم پايدا بولدى. دارەتحانالاردىڭ, اۆتوتۇراقتاردىڭ بولماۋى جانە تاپشىلىعى, ىرگەلەس اۋماقتىڭ دۇرىس اباتتاندىرىلماۋى جانە كوگالداندىرىلماۋى, باسقا دا بارلىق ماسەلەلەردى جاقىن ارادا تالقىلايمىز» دەدى ەرلان كاناليموۆ.
كەشە ءماسليحات دەپۋتاتتارىنىڭ تۋريستىك نىسانداردى ارالاۋى جالعاستى. سونىڭ ىشىندە ولار ەلوردانىڭ اۋە قاقپاسى, حالىقارالىق اۋەجايدان باستاپ, بىرنەشە قوناق ءۇي مەن ەمحاناعا, «اتامەكەن» قازاقستان كارتاسى» ەتنو-مەموريالدىق كەشەنگە باردى. بۇل جونىندە تولىعىراق گازەتىمىزدىڭ كەلەسى نومىرىنەن وقيسىزدار.
