مەملەكەتتىك ءبىلىم گرانتىن ۇتىپ الۋعا نيەتتەنگەن ۇمىتكەرلەرگە ەكى رەت مۇمكىندىك بەرىلەتىنى بەلگىلى. وقۋعا تالاپتانعان ءبىلىمدى جاسقا قازىر مۇمكىندىك مول. الايدا ۇلتتىق بىرىڭعاي تەستىلەۋ جۇيەسى جىلدان جىلعا جەتىلدىرىلىپ, ءتۇرلى وزگەرىستەر مەن تۇزەتۋلەر ەنگىزىلۋدە.
عىلىم جانە جوعارى ءبىلىم مينيسترلىگى ۇلتتىق بىرىڭعاي تەستىلەۋدى وتكىزۋ جانە «ۇلتتىق بىرىڭعاي تەستىلەۋدى تاپسىرۋ تۋرالى سەرتيفيكات بەرۋ» مەملەكەتتىك قىزمەت كورسەتۋ قاعيدالارىنا وزگەرىستەر مەن تولىقتىرۋلار دايىندادى. وندا تەستىلەۋ تاپسىرمالارى مەن باعالاۋ بويىنشا بالدار سانىن وزگەرتۋ بولىگىندە ۇلتتىق بىرىڭعاي تەستىلەۋ فورماتىن جەتىلدىرۋ كوزدەلگەن.
ماسەلەن, قىسقارتىلعان وقۋ مەرزىمدەرىن كوزدەيتىن ءبىلىم بەرۋ باعدارلامالارى بويىنشا تۇسۋشىلەردى قوسپاعاندا, ورتا جانە تەحنيكالىق جانە كاسىپتىك نەمەسە ورتا بىلىمنەن كەيىنگى ءبىلىم بەرۋ ۇيىمدارىنىڭ تۇلەكتەرى ءۇشىن ۇبت تەست تاپسىرمالارىنىڭ سانى:
قازاقستان تاريحى بويىنشا – 20;
ماتەماتيكالىق ساۋاتتىلىق بويىنشا – 10 (قازىر 15);
وقۋ ساۋاتتىلىعى بويىنشا (وقىتۋ ءتىلى) – 10 (قازىر 15);
ءبىرىنشى بەيىندىك ءپان بويىنشا – 40 (قازىر 35);
ەكىنشى بەيىندىك ءپان بويىنشا – 40 (قازىر 35).
بۇل رەتتە مۇگەدەكتىگى بار بالالار مەن كورۋ قابىلەتى بۇزىلعان مۇگەدەكتەر ۇبت پاندەرى بويىنشا تەست تاپسىرمالارىنىڭ نۇسقالارىن ورىنداۋ بارىسىندا سحەمالاردى, كەستەلەردى, كارتالار مەن گرافيكتەردىڭ سۋرەتتەرىن پايدالانباي تاپسىرۋىنا بولادى.
شىعارماشىلىق دايىندىقتى تالاپ ەتەتىن جانە اقىلى نەگىزدە ءبىلىم بەرۋ باعدارلامالارىنىڭ باسقا توپتارىنا اۋىسقىسى كەلەتىن جوعارى وقۋ ورىندارىنىڭ ءبىلىم الۋشىلارى ءۇشىن ۇبت تەست تاپسىرمالارىنىڭ سانى:
ءبىرىنشى بەيىندىك ءپان بويىنشا – 40 (قازىر 35);
ەكىنشى بەيىندىك ءپان بويىنشا – 40 (قازىر 35).
بۇدان باسقا, بەيىندىك ءپان رەتىندە قازاق ءتىلىن تاڭداعان وقۋعا تۇسەتىن جاستاردىڭ قالاۋى دا جاڭا وزگەرتۋلەردە ەسكەرىلگەن. سونداي-اق شىعارماشىلىق دايىندىقتى تالاپ ەتەتىن ءبىلىم بەرۋ باعدارلامالارى توبىنا تۇسەتىن تۇلعالار ءۇشىن ەڭ جوعارى بالل سانى ۇلعايتىلدى. ول 125 ورنىنا ۇبت-دا 130 بالدى قۇرايدى. سونىمەن قاتار, وزگەرىستەر ۇبت ناتيجەلەرى بويىنشا اپەللياتسيانى قاراۋعا دا اسەر ەتتى.
ماسەلەن, اپەللياتسياعا كەلىپ تۇسكەن وتىنىشتەردى رەسپۋبليكالىق اپەللياتسيالىق كوميسسيا 30 جۇمىس كۇنى ىشىندە قارايدى. بۇل رەتتە رەسپۋبليكالىق اپەللياتسيالىق كوميسسيا وتىنىشتەردى قاراۋدى كۇنتىزبەلىك جىلدىڭ 13 شىلدەسىنە دەيىن اياقتايدى. ءتۇسۋشىنىڭ جەكە كابينەتىندە رەسپۋبليكالىق اپەللياتسيالىق كوميسسيانىڭ وتىرىسىن وتكىزۋ مەرزىمدەرى تۋرالى اقپارات كورسەتىلەدى. ءتۇسۋشىنىڭ قالاۋى بويىنشا رەسپۋبليكالىق اپەللياتسيالىق كوميسسيانىڭ وتىرىسى باستالعانعا دەيىن جەكە كابينەتى ارقىلى اپەللياتسياعا ءوتىنىشتى كەرى قايتارىپ الۋ جۇزەگە اسىرىلادى.
اپەللياتسياعا ءوتىنىشتى قايتارىپ الۋ كەزىندە ءبىر جۇمىس كۇنى ىشىندە ءتۇسۋشىنىڭ جەكە كابينەتىندە ۇبت سەرتيفيكاتى كورسەتىلەدى. قۇجات 26 جەلتوقسانعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.
