ۇكىمەتتىك ەمەس ۇيىمدار اقتوبەگە 7 توننا گۋمانيتارلىق كومەك جىبەردى, دەپ حابارلايدى astana-akshamy.kz
«رۋحاني قوعام الەمى» قوعامدىق قورى جانە «مەيىرىم» قايىرىمدىلىق قورى بىرلەسىپ, سۋ تاسقىنىنان زارداپ شەككەن ايماققا گۋمانيتارلىق كومەك كورسەتۋ پۋنكتىن اشتى. «جۇمىلا كوتەرگەن جۇك جەڭىل» دەگەندەي, ءبىر ادامنىڭ عانا ەمەس, قوعامداعى مەيىرىمدى جانداردىڭ ىنتىماق-بىرلىگىنىڭ ارقاسىندا ازىق-تۇلىك, بالالار كيىمى, ەرەسەكتەردىڭ جىلى كيىمدەرى جينالعان.
ۇكىمەتتىك ەمەس ۇيىمدار وكىلدەرىنىڭ مالىمەتىنشە, بىرنەشە كۇن ىشىندە 7 تونناعا جۋىق العاشقى قاجەتتى تۇرمىستىق زاتتار جينالىپ, جۇك كولىگى اقتوبە قالاسىنا اتتاندى. سونىمەن قاتار قوعامدىق قوردىڭ ەرىكتىلەرى قاتارىندا استانا قالاسى №3 وليمپيادالىق رەزەرۆىنىڭ بالالار مەن جاسوسپىرىمدەر سپورت مەكتەبىنىڭ تاربيەلەنۋشiلەرi بولدى.
قايىرىمدى جاندار تاراپىنان كومەك بەرۋ تۋرالى سۇرانىسقا قاراي شتاب ءارى قاراي دا جۇمىسىن جالعاستىرا بەرمەك. سونىمەن قاتار استانادان سۋ تاسقىنىنان زارداپ شەككەن وڭىرلەرگە 250 تونناعا جۋىق گۋمانيتارلىق كومەك جونەلتىلدى. سونداي-اق گۋمانيتارلىق كومەك جيناۋ جۇمىسىنا : ماقسۇت نارىكباەۆ ۋنيۆەرسيتەتى, ل.ن. گۋميلەۆ اتىنداعى ەۇۋ, نازارباەۆ ۋنيۆەرسيتەتى, ESIL ۋنيۆەرسيتەتى سىندى ەلوردانىڭ جوعارى وقۋ ورىندارى دا قوسىلدى. كومەك كورسەتكەن وزگە ۇيىمداردىڭ قاتارىندا The one قوناقۇيى, «اسەم», «راحمەت», «شاپاعات» ساۋدا ۇيلەرى جانە باسقا دا بيزنەس قۇرىلىمدارىنىڭ وكىلدەرى دە بار.
ايتا كەتسەك, ەلوردادا 9 گۋمانيتارلىق كومەك قابىلداۋ پۋنكتى بار, جيناۋعا 30-عا جۋىق ەرىكتى ۇيىم اتسالىسىپ جاتىر. كۇن سايىن 200-دەن استام ەرىكتى قاجەتتى زاتتاردى سۇرىپتاپ, جونەلتەدى. نيەت بىلدىرۋشىلەر جىلى كيىم-كەشەك, ازىق-تۇلىك, ءدارى-دارمەك, العاشقى قاجەتتىلىك زاتتارىن اكەلىپ جاتىر. ەرىكتىلەر قارجىلىق كومەكتى قابىلدامايدى. قىزىعۋشىلىق تانىتقاندار قاجەتتى ونىمدەردى جيناپ, قابىلداۋ پۋنكتەرىنە اپارا الادى.
