ۇلتتىق بايقاۋدىڭ قالالىق كەزەڭىنە ءوتىنىم قابىلداۋ باستالدى
![](https://astana-akshamy.kz/wp-content/uploads/2024/05/c732fc6de8106c65563e3ce29fdb9a6b_1280x720-780x470.jpeg)
استانا قالاسىندا «مەرەيلى وتباسى» ۇلتتىق بايقاۋىنىڭ قالالىق تۋرىنا قاتىسۋ ءۇشىن ءوتىنىم قابىلداۋ باستالدى, دەپ حابارلايدى astana-akshamy.kz
بايقاۋدىڭ نەگىزگى ماقساتى – وتباسى ينستيتۋتى, ادامگەرشىلىك, رۋحانياتتى نىعايتۋ, جاۋاپتى ەرلى-زايىپتىلىقتىڭ ماڭىزىن تانۋ; اتا-انالاردىڭ بالا تاربيەلەۋدەگى جاۋاپكەرشىلىگىن ارتتىرۋ; وتباسىلىق قۇندىلىقتاردى, كامەلەتكە تولعان بالالارىنىڭ ەڭبەككە قابىلەتسىز جانە ەگدە جاستاعى اتا-انالارىنا قامقورلىعىن دارىپتەۋ مەن قازاقستاندىق وتباسىنىڭ جاعىمدى ءيميدجىن ناسيحاتتاۋعا باعىتتالعان.
كونكۋرسقا قاتىسۋ ءۇشىن ەلەكتروندىق نۇسقادا تومەندەگى قۇجاتتاردى تاپسىرۋ قاجەت:
1) اتا-انالاردىڭ (قورعانشىلاردىڭ, قامقورشىلاردىڭ) جەكە باسىن كۋالاندىراتىن قۇجاتتاردىڭ كوشىرمەلەرى, بالالاردىڭ تۋ تۋرالى كۋالىكتەرىنىڭ كوشىرمەلەرى;
2) اسىراپ الۋشى (قورعانشى) وتباسىلار ءۇشىن – جەرگىلىكتى ۋاكىلەتتى ورگاننىڭ كامەلەتكە تولماعان بالاعا قورعانشىلىقتى (قامقورشىلىقتى) بەلگىلەۋ تۋرالى شەشىمىنەن ءۇزىندى كوشىرمە;
3) نەكە قيۋ تۋرالى كۋالىكتىڭ كوشىرمەسى;
4) اتا-انالارىنىڭ بىرەۋى قايتىس بولعان جاعدايدا قايتىس بولۋ تۋرالى كۋالىكتىڭ كوشىرمەسى (بار بولسا);
5) بالالاردى تاربيەلەگەنى ءۇشىن ماداقتاۋلاردىڭ, بەلگىلى ءبىر جەتىستىكتەرى ءۇشىن العان ماداقتاۋلاردىڭ بار ەكەنىن كۋالاندىراتىن قۇجاتتاردىڭ كوشىرمەلەرى;
6) زاڭدى جانە (نەمەسە) جەكە تۇلعالاردىڭ ۇسىنىم حاتتارى (كەمىندە ەكەۋ);
7) وتباسى مۇشەلەرىنىڭ ەڭبەكتەگى, سپورتتاعى, شىعارماشىلىق, زياتكەرلىك, عىلىمي جوعارى جەتىستىكتەرىن كۋالاندىراتىن قۇجاتتاردىڭ كوشىرمەلەرى;
8) قوعامدىق پايدالى قىزمەتكە (ۆولونتەرلىك, قايىرىمدىلىق, مەتسەناتتىق, تالىمگەرلىك) (بار بولسا) قاتىسۋدى راستايتىن قۇجاتتاردىڭ كوشىرمەلەرى;
9) دەربەس دەرەكتەردى جيناۋعا جانە وڭدەۋگە كەلىسىم.
كونكۋرسقا قاتىسۋ ءۇشىن وتىنىمدەردى قاجەتتى قۇجاتتاردى (pdf فورماتىندا) 15 ماۋسىمعا دەيىن mereyli.otbasy2024@mail.ru ەلەكروندى پوشتاسىنا جولداۋ قاجەت.
قوسىمشا اقپارات الۋ ءۇشىن: 8 701 111 13 46; 8 702 202 00 77; 8 7172 55 67 08; 8 7172 55 67 01 نومىرلەرىنە حابارلاسۋعا بولادى.