قر ۇلتتىق اكادەميالىق كىتاپحاناسىندا بالالاردىڭ وقۋعا دەگەن قىزىعۋشىلىعىن وياتۋ, بالالار ادەبيەتىن ناسيحاتتاۋ, ينتەللەكتۋالدى-تانىمدىق وي-ءورىسىن دامىتۋعا باعىتتالعان «جازعا – كىتاپپەن» اكتسياسى ءوتتى, دەپ حابارلايدى astana-akshamy.kz.
اكتسياعا قاتىسقان 50 جاس وقىرمان ەسبولات ايدابوسىن مەن اسحات ومىرباەۆتىڭ كىتاپتارىن وقىپ, شىعارمالاردىڭ جەلىسى بويىنشا پىكىر الماستى. كىتاپحانا قىزمەتكەرلەرى بالالارعا وتاندىق جانە الەم ادەبيەتتەرى, كلاسسيكا, كوميكس پەن فانتاستيكا جانرلارى مەن ەرتەگى كىتاپتارى جايلى ايتىپ بەردى.
ايتا كەتەيىك, سوڭعى جىلدارى بايانعالي ءالىمجانوۆ, تولىمبەك ءابدىرايىم, زيرا ناۋرىزباەۆا, سەرىكبول حاسان, زاۋرە تورەحانوۆا, ۇلاربەك نۇرعالىمۇلىنىڭ شىعارمالارىنا جاس وقىرماننىڭ قىزىعۋشىلىعى ارتقان. سونداي-اق فانتاستيكالىق جانە شىتىرمان وقيعالى شىعارمالار, الەم ادەبيەتتەرى مەن كوميكستەر دە ۇلكەن سۇرانىسقا يە.
قر مادەنيەت جانە اقپارات مينيسترلىگى كىتاپحانا مەن كىتاپقا دەگەن قىزىعۋشىلىقتى ارتتىرا وتىرىپ, بالالاردىڭ جان-جاقتى دامۋىنا وڭ ىقپال ەتۋ ءۇشىن, بالالار ادەبيەتىنە باسا نازار اۋدارادى. 2023 جىلى مەملەكەتتىك تاپسىرىس اياسىندا بالالار مەن جاسوسپىرىمدەرگە ارنالعان 3000 دانادان تۇراتىن 14 اۆتوردىڭ كىتابى جارىق كورىپ, ەلىمىزدەگى كىتاپحانالارعا تاراتىلدى.
