ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ كونتسەرت زالىندا ۇلتتىق ۇلاننىڭ قۇرىلعان كۇنىنە وراي «ۇلتتىق ۇلان – ەل قورعانى» كونتسەرتى ءوتتى.
كەشتە ۇلتتىق ۇلاننىڭ ءان-بي ءانسامبلى مەن ۇلگىلى-كورسەتىمدى وركەسترىنىڭ ونەرپازدارى كورەرمەندەردىڭ كوڭىلىن كوتەردى. «جاساي بەر, ۇلاندار» اتتى العاشقى كومپوزيتسيا 32 جىل بويى قوعام مەن مەملەكەتتىڭ قاۋىپسىزدىگىن سەنىمدى قامتاماسىز ەتىپ كەلە جاتقان ۇلتتىق ۇلاننىڭ اسكەري قىزمەتشىلەرىنە ارنالدى. كونتسەرتكە تانىمال وتاندىق ارتىستەر مەن ونەر قايراتكەرلەرى دە قاتىستى. ساحنادا ۇلاندىقتارمەن بىرگە بەلگىلى ءانشى مارجان اراپباەۆا دا ونەر كورسەتتى. انسامبل ءسوليسى دەنيس ياكوۆلەۆ اقان سەرىنىڭ «بالقاديشا» ءانىن اۋەلەتىپ, كەشكە جينالعانداردى ءتانتى ەتتى.
ىشكى ىستەر ورگاندارىنىڭ, باسقا دا قۇقىق قورعاۋ قۇرىلىمدارىنىڭ ارداگەرلەرى قۇرمەتىنە «ارداگەرلەر» كومپوزيتسياسى ورىندالدى. ۇلتتىق ۇلاننىڭ «قۇرمەت» قاراۋىل روتاسىنىڭ ونەرى ۇسىنىلدى. كونتسەرتتى ەستاي مۇقاشەۆ, ۇلتتىق ۇلاننىڭ ءان-بي ءانسامبلى مەن ۇلگىلى-كورسەتىمدى وركەسترى «ەلدىڭ قورعانى» انىمەن اياقتادى.
